بسم الله الرحمن الرحيم
السلام عليكم ورحمة الله وبركاته
قصيده عجبتني وحبيت انقلها لكم ..
مع تمنياتي تنال اعجبابكم ..
عسى المانع اللي مانعك من وصالي خير
فقدت اتصالك ياتلع الجيد لي مده
وعساها ضروف الوقت ماهوب شى غير
انا اشوفها في عيني اكبر من الصده
ياكم واحد لا راح قلنا مـــراح الطيـــر
ماقلنا عسى ماهوب ضايق ومن جده
ياجعله مهف مقيط ورشاه وسط البـير
بعد حظه المقرود وسط الطوي هده
لكن انت لك في القلب حشمه ولك تقدير
غلاك اسنحل القلب من حده لحده
لو انت منت غالي كان في ذمتي لاصير
فراق ماعــقبه لا مــواجه ولا رده
ابعطيك من عندي نصيحه مع التحذير
لعل وعسى قلبك على دربي ترده
غياب الحبيب الغالي اللي بلا تبرير
اليا زاد عن حده ترا ينــقـلب ضــده
لا يحسب جفاه وصدته مالها تأثير
جدار الغلا في ضرف كم عام بتهده
ويصغر مفام له مكانه وكان كبير
مابين المقامات يتباهى ومن قده!
على درب ماله وجهة العاشقين التسير
مصير الهجر ..والبعد..واللوعه ..تسده
لكن رد لي رؤس المطايا وحث السير
قبل لا انصفق واصد والصده الصده ...
رااشدبن قلوة