يالله ياراع المزون المراويح=الي نسانيس الهبوب اقتفتها
وابروقها قدامها جت مشاويح=برق(ن) تعلاها وبرق(ن) تحتها
كنه يولع في طرفها مصابيح=لاكشفت كل السما ولعتها
مع ظلمة الغدرى ومع عاتي الريح=ابروقها كن السما شققتها
وارعودهاتدوي فجوج الصحاصيح=وياقو لاادوت فالسما صرقعتها
الله ينصيها لدار المفاليح=ويطرح على نجد الوسيع بركتها
يسقيه من غربي ابانات للسيح=ومن جبله لين الحصاه وجهتها
ومن حد حظن ليا حدود الصراديح=يعمها حتى تسيل اوديتها
ديرة طحاطيح(ن)تضد الطحاطيح=عتبان لامن الجموع ابتلتها
يثنون دون امبعدات المساريح=وارماحهم روس العدا قد كلتها
اليا اعتزو للموت مثل المشافيح=تعرف عزاويها ويعرف بختها
عن نجد قد زاحو زحول الزحازيح=وكل العدا عن نجد مازحزحتها
كله لشف الي ليا جن طفيح=ترخي لواحيها على راحلتها
لاقام يندبهامع العصر ويصيح=جت له تداحم خلفها وجنبتها
خاطي بكارن ماقنوها السلاتيح=مع وسع منحرها طويل ارقبتها
ان دبرت تقول تاطى على الشيح=وان ناحرت يازين شوف رثمتها
وحنا لها من يوم خلقت مصاليح=نمشي على مشهاتها وارغبتها
ابواش بدو(ن) شوقهم هبة الريح=ابيوتها للطيبين اسمكتها
بيبانها من دون قفل ومفاتيح=ماخيطت بيبانها واقفلتها
تلقى بها الظيفان حيل ومفاطيح=ومنارتن يجذبك ريح قهوتها
معهم لضيق الخاطر العمس ترويح=وهي طربة ايام الفتى وثمرتها
فواز ابن عبيد ابن قاعد