مجاراة لقصيدة الشاعر العزيز مطلق بن سعيدان النفيعي(أســــــد النير)
الهاجس اليا دعيته قام ينسجلــــــه
فرايدن لونها ماهوب لونيني
وياالله عسى مطلق سعيدان تبرجلـــه
امن المودة ومن فرقا المحبيني
والحب معروف وقتن راح دايجله
فريس وشيوخ قومن تقضي الديني
وذكرتني بالذي توج واتوجله
مودتن ثابتة ساس وقوانيني
اللي عليه الضماير بالغلا وجله
ودموع عيني غدت مثل الوداديني
الجادل اللي عروق القلب مسهجله
وسط المحاني بناله بيت دوريني
ولا هيب من مرها قامت تغنجله
ولا طبت السوق بين الحين والحيني
انا اشهد انه بوسط الذات برمجله
مشاعرن صادقه من عام الالفيني
ويمزج لي الود وانا مثله امزجله
شوق وغلا ود صافي له براهيني
وعز الله انه رمى قلبي وصيجله
باللي هدبها خطير عيار خمسيني
وفي احراج خلي وانا مانيب محرجله
لن المقابل عسر من بينه وبيني
ولاهوب مزعج وانا مانيب مزعجله
وياما على شوفها ذقت الامريني
اجاوب الورق وازجل مع طرف زجله
عن لاهب الشوق جر الصوت يذريني
ودي بشوفه ولكن ماش مخرجله
مير الامل في ولي العرش بعديني
والحب معروف ماحصل معالجله
وكانك تعاني ترى غيرك معانيني
الشاعر / متعب بن محمد بن بالود