ياقلبي احذر وخل النداراة فيك=تندر في زمان فيه الوفا نادر
ماعاد فيه للوفا باب وشبابيك=ولاعاد تلقى للحق طلاب وناصر
ياكثر الرزايا علينا دواكيك=وأبليس على هزها النجس طامر
يسير مع الدم وينم ويحييك=شيطان على ذبحنا ماهوب ذاخر
يهيب ياابليس مولع بالنواعيك=صدق من سماك رمز للشر ظاهر
هذا فعله ياملا ماهوب تكليك= مقالة للنبي مابثها اليوم شاعر
كثر غمط الحق والجار مذييك=بلوى من خوى بيتك صداها مخافر
هم الرجال اصبح تحت السنابيك=والحريم عدود وكم عنها صوادر
الفذ يهوم ويجزع والبو حكحيك=ومن يطلب الصدق يرمى بالمخاطر
والدين بغربة وللجهالة تباريك=والشيخ الياخاطبنا غار عليه غاير
الحر حط بدربة شوك ومشاويك=والانذال يمهد لها تمهيد خادر
والصقر خاوى الرخم والبوم والديك=والضبع ختال يدني من السبع هادر
ونعيب الأنعام افعال الصعاليك=ولاسمعنا حيوان في الحوانيت داير
والطير علم طب والتقليد يغنيك=والبعير بالأمثال للحمول صابر
ماعاد تلقى من الخبث حر يصافيك=على السلم الصافي ياقلبي لاتكابر
قوالب بدون قلوب حلوة وتغريك=وهي جهام بس هرجها بالحناجر
أهلها طغام ومتوبكة بالتوابيك=وابواب الشر دايم عليها فواقر
احكي ولاأخص الناس المحانيك=وهم شرق وغرب هم وقع ومخابر
تيجان قلبي قطعتها المحانيك=على خل ذكره مثل حد المشافر
غارات وجدي بالحشا نجف وتهتيك=مذابح مثل حروبها في المحاور
وأثر للحب نزعات يوم تاتيك=ونار تشب في الحشا والخواصر
من وليف وان هرج تقول ينعيك=ويذوب كل صلب وصلد للطرق قاهر
نذير الشر بعيونها وتعميك=في مرآها انت مع الشمس طاير
ليل الدجى بالظهر يطلبك ويغشيك=ليل من شعرها ماهو من العواكر
ماخطه الميش ولاغزته البواريك=ولاشكاه المشط في ثني ومعاصر
درة في وسك عاج وسراميك=في محفل غشاها زهر ونواهر
لمع خدها طغى لمع المزاييك=ووجناتها نار تشب فوق المناظر
ماعرفنا قبلها عنق الكراكيك=ولا القمر قبلها قلدوه الجواهر
البلا من بهتهم ماهو فيني ولافيك=والمنايا أماني خلفهم بالجراير
لابارك الله يوم كنا على ذيك=ذيك المنازل خلفها البحر حادر
غط وغوط مسرى خوف وغواطيك=ووحي للجان بين الارواح ساير
يافسحات همي يارب للعز يحييك=ويبعد عنك الشر يابعد كل ظامر
ليتك قريب وتفهم العلم واعطيك=فتوى ثقيلة الها السواعد شوامر
همسك ولمسك على الأرض يعطيك=محبة ماجنتها في الدنيا خواطر
من الكويت لين تاصل حد واديك=على خط حبك نبي نبني عماير
في قلبي ثلاثة وعندي عوانيك=هم اقطاب بيوتها كبار المناعر
وتريظ ياخلي ترى السعد حاديك=افطن وخلف المقفية لاتغامر
طاش حبك بالحشا لولا حواجيك=طاف الحكور وصدع الانفاس كاسر
يفوح حبك كما القدور المراكيك=يطيش يس مااثر بنار البواير
ان هم بك طارئ مواري هي مواريك=لو تعلم بحبك ضيعتني بالأوامر
حسبي على الي حكيها بهذا وفي ذيك=ماتسدى نصيحة لو تشوف المناكر
نسا تنسى النصح وتشك وتعيك=ولايعاديها غير أكلها في المحاشر
تربى بالدلال وبالدلاعة تناديك=وياكيف يصير رايها للحيد فاطر
خلفها ابليس بالشينة يحاكيك=هذاك قول الشيطان تدبير ماكر
يستدبر طلوعها وبالوسواس يبليك=تمشي ماتدري عنه ولاهيب حاذر
الا الحسينة ومثلها ذيك من ذيك=رطبة ذكر من الله وياذكراك ناصر
مالك ذنب ياخلي لا ولا أالاغيك=ولالك آثام مسجلة بالدفاتر
الذنب فيها والروايع كلها فيك=لبك حي ياحبي والجدا فيك ماهر
ان ضاع راعي فالرعايا مفاكيك=وكل على وجهة عرضة للمخاطر
كل الدنيا أكذوبة والصدق يحييك=ارسم به درب نهجك ثم للعز ثابر
غار نمامها لاتبدي يمه مساويك=خلك على بعد ودوم احذر ياشاطر
في حب من تحبه محد يضاهيك=مامثل من توده مثلك على الود قادر
وأسعى للخير ووثق به عراويك=ترى صغار الشر منها البين سافر
وارفق بامك ثم صاحبها مع ابيك=وضم امك بالمودة ولأبوك ناحر
واصحى لعدوك وأعرف من يحابيك=وشحيح القلب لاتعطيه الجنب وافر
وربك المعبود لاتنسى حق واليك=ولاتترك مكان للعبادات شاعر
آخر تعديل الخضارمي يوم 20-Jan-2013 في 11:26 PM.