ناصر الجلاه
سلام الله على الحضار في دار الكرم والجود=رجالٍ فالجزيره والجزاله .. رمـز رايتهـا
يابن مصقال مادام السوالف حبلها ممـدود=بدينـا والبدايـه ماتعلـم وش .. نهايتهـا
بندر المرشدي
هلا يامرحبا ترحيب لا محصيّ ولا معـدود=ينوب عن الحضور اللي تنومسها حميتها
بدينا وارسم اهداف المساري فالليال السود=تراني مهتوٍ راس الطويلة مـن بدايتهـا
ناصر الجلاه
يدوم ألك البقا فالليله اللـي مستحيـل تعـود=ألا يامطيـب الليلـه ..وساعتهـا ..وحزتهـا
وألا يالمرشدي من بعد عاش الدود وسط العود=يموت العرق غير الحنظلـه تبقـى مررتهـا
بندر المرشدي
ترانـي متكـل بالله ولا غيـر الله المعبـود=ولو مرت علي الأبل انا قسمـي غزيزتهـا
ليا شفت لك دودة عود ناد الها الزعيم سعود=يرشه بالمبيـد وينهـي الـدوده وقصتهـا
ناصر الجلاه
عسى الله مايضيع لك جهد ياباذل المجهود=كسبنا الغااليه ما عاد ننشـد عـن تليتهـا
سعود الفارس اللي يعتزي بالملح والبارود=نشدك وش هي القصه !! لكن عطنا حكايتها
بندر المرشدي
على درب الوفاء واهل الوفاء بعد الجنود جنود=ويلعـن لحيـةٍ مـا تخلـص لمبـدأ قبيلتهـا
مهود سهود مدري يابناخينـا سهـود مهـود=لقافة .. وش مدخل ناصر بمسقـط وأمارتهـا
ناصر الجلاه
فتحنا فالملافات ولقينا سرها مفقـود=يابندر لاتهور بالظلايم .. ويش سبتها
تعمر ويش وألا ويش في لبنان يالحود=غزت القوم وديارك مدافعهم توطتهـا
بندر المرشدي
نصيحة لا تماريني واجيب مـع الشهـود شهـود=ترانـي منزعـج مـا ادانـي أمريكـا وطقتهـا
تبا تشعل .. (فتيل زنود) .. وانته ماش معك زنود=وقومٍ قلت.. تآطـا خيلنـا مـن عصـر حلتهـا