[الغضنفر]

انـــا يـــوم اتـفـكـر فالقـبـايـل واذكــــر الافــعــال
فعايـل لابـتـي فــوق النـجـوم الـلـي تشاهـدهـا
لـنـا فــي قـمـة العلـيـا مكـانـه دايـمـه واجـــلال
عـلـى وجــه الحقيـقـه كــل مانحـظـر نجـددهـا
حظـرنـا للمـزايـن بالـعـزوم الـلـي تـهــد جـبــال
بسمحات الوجيه اللي لها الامـوال نرصدهـا
اخذنا المركز الاول مع النخبه بدون جـدال
ونصف اغلى الجوايز باسمنا سجل تعددها
جــوايــز ماينـافـسـنـا عــلــى تـعـدادهــا رجـــــال
وتحطيـم الرقـوم النـا صـفـه مـحـد ٍ يقلـدهـا
اخذناهـا مـن ايديـن الاميـر وعــادة الابـطـال
لياجـت بالتحـدي واصعـب الاوقــات تاجـدهـا
عتابـه فـي وفـاهـا والتمـيـز تـضـرب الامـثـال
حقيقـه مثبتـه فيهـا اكثـر العـربـان تحسـدهـا

شكر خاص مني لك على هل قصيده الطيبه الي مايكتبها الا شاعر كبير مثلك ..


كفو كفو كفو ويستاهلون العتبان ..