[ناصر الحافي]

بسم الله الرحمن الرحيم



السلام عليكم ......

الحال من جور الزمان أله مده =ياخذ عجايب دنيته كل يومين
ومع ماجرا له وقف الوقت ضده =لافزعة/ن تذكر ولا وقفة معين
وين انت ياللي كل لازم تسده؟= شان الدهر ولا منزه عن الشين؟
يوم اذكر اهل الاوسمه والاشده =اقول وينهمه وانا عقبهم وين
اثر التوجد يمهم وصل حده.! =لاواوجودي لو كَنَة دمعة العين
ياكثر من قربه يزيد الموده =وياكثر (عدوان البشر) والشياطين
جربت ثم جربت من كل بده =وميزت فالاقصين هم والموالين
وجازيت من خان العلاقه بصده= والغيت عن وصله جميع العناوين
الصبر له طاقه واذا انباح سده =اجبرني اشري راحتي لوٌها دين
اعيش في وقت/ن محد عاش قده= وانا ادري ان الناس مرجعهم الطين
يموت من ((وده ولا جاه وده))= هو مادرى انه ميت/ن لو بعد حين؟
إليا وصل.. محد/ن بقادر يرده= الموت ماخلى كبار السلاطين.!
يانفس عدي لك من اليوم عده =يكفي ذنوب/ن شلتها عدة سنين