[بدراني دوسري]

اشكرك اخوي ابن مشيب على ضيافتكم

واشكرك على مداخلتك

ذكرت ان قبيلة قحطان نزلت الى نجد في 1200 هـ

والذي اعلمه من واقع مخطوط تحفة المشتاق انهم في نجد من سنة 881 هـ حيث ذكر ان قحطان قتلت عامر بن سهاج شيخ المساعرة

اما الدواسر فاول ذكر لهم في وسط نجد هو :
مناخ الدواسر مع الفضول في تبراك وصارت الهزيمة على الدواسر وذلك سنة 863 هـ

اول ذكر لسبيع كان في حاير سبيع سنة 866 هـ وهزيمتهم امام زامل بن جبر راعي الاحساء ثم تلى ذلك ذكر بعض المناخات والتي اشتركت فيها سبيع.

في سنة 980 هـ :
اشترك مع الدواسر فخذ ال مسعود من قحطان في مناخ الحرملية ضد بني لام وسبيع والسهول وانتهت بهزيمة الدواسر وال مسعود
وهذا اول مناخ تشارك فيه قحطان وهم مع الدواسر

وفي سنة 998 هـ :
تكرر المناخ ولكن في الخرج ضد بني لام وسبيع والسهول
والذي اشترك من قحطان مع الدواسر هم : هم جنب وكان الانتصار حليف الدواسر ومن معهم

((( السبب في الانتصار عادة هو التفوق العددي ، حيث المناخ الاول كان في وسط نجد ديرة بني لام اما المناخ الثاني في اليمامة وقريب من بلاد الدواسر )))

لكن الشاهد في هذه الاحداث القرن العاشر اي قبل 400 سنة

ان قحطان موجودة في نجد بعدد قليل وفي خوة مع الدواسر
العدو الاول لقبيلة بني لام ( ال كثير - المغيرة - الفضول ) هم الدواسر = جنوب نجد
بينما العدو الاول لعنزة هم الظفير = ( شمال نجد )
سبيع في صف بني لام اغلب المناخات

وفي مستهل القرن الحادي عشر تكاثرت قبيلة قحطان في نجد وصارت ثلاث مناخات

سنة 1023 هـ : مناخ الرين انتصار قحطان
سنة 1024 هـ : مناخ الرويضة - انتصار قحطان
سنة 1030 هـ : مناخ الحرملية - انتصار الدواسر

وهكذا عد\د المؤلف فروع كثيرة من قحطان:
الفهر - ال جمل - جنب - ال روق - ال مسعود وغيرهم
وهذا يعني ان قحطان البادية نازلين بشكل كامل ويحاربون بشكل مستقل

ومع هذا بقي الهضب يعرف بهضب ال زايد والمكان لا ينسب للقبيلة الا اذا كانت القبيلة متمكنة منه من مئات السنين فعرفت به ونسبت له مثل جبل شمر وحوطة بني تميم .... وما اطلعنا ان قحطان اخذوا الهضب او احتلوه
فياليت اخي الكريم تاتي لنا بمصدر !!!!!

ذكرت ان الدواسر انزاحوا للجنوب والشرق ؟؟؟!!!!
الازاحة للجنوب وين يعني ؟؟؟ هم في الوادي والجزء الشمالي من الرع الخالي لهم عروق بني خرب وبني معارض وعد ال زايد ووالفاو - قرية الجاهلية - وهذي بلادهم من مئات السنين ولا تزال ومنها تمددوا للشمال والشرق فالانزياح للجنوب بفعل قحطان كلام بدون دليل بل نحن في الوادي من سنة 550 - 600 هـ اي قبل ما تنزل قحطان لنجد.
اما الازاحة للشرق يعني تقصد الافلاج والخرج ووادي برك فياخي الكريم :
الدواسر هم انفسهم جرت بينهم حروب كثيرة وعلى اثرها نزحت قبائل منهم من الوادي ومن جنوب نجد
فالغياثات حربهم مع المخاريم وانتهت بالصلح على يد عامر بن بدران سنة 800 هـ تقريبا على ان يدفع ابن بدران الديات القتلى ويعوض القبيلتين
وخرجوا البدارين للقصيم والدهناء ثم تحضروا في سدير والمحمل اما الغياثات فشدوا للخرج وخريص ولا تزال لهم هذه البلاد
وكذلك خروج قبيلة الحقبان للدلم
اما ال حسن اهل الافلاج فجرى تعدي من قبل اهل الافلاج وهم الشتور ولحيان وهم من قحطان على احد جيران الدواسر فانتقموا منهم واستولوا على الافلاج وهم ال حسن وعرفت الافلاج بافلاج الدواسر

فانزياح الدواسر وهم البدارين - الغياثات - ال حسن - الحقبان - العمور وغيرهم هو للتوسع وما اخرجهم احد لا قحطان ولا غير قحطان بارك الله فيك وهذا تجده في جميع المصادر التاريخية

اما حروب الدواسر مع قحطان فالمناخات المذكورة حصلت في الرين والرويضة والحرملية وهي في وسط نجد وليس في جنوبه فاذكر لي بارك الله فيك وافدني متى واين كان المناخ بين الدواسر وقحطان وعلى اثره استولت قحطان على الهضب؟؟؟؟؟؟؟

اخوكم

عبد الله العامر البدراني الدوسري