السلآم عليكم ..
هذي أول مشاركه لي بينكم وهي قصيده في العميد / عبدالله سعد الحافي العتيبي ..
لمواقفه المحموده معي وأقل مايقال فيه وأشكره جزيل الشكر
أنا كل قافٍ لا طرالي بدون شعور = وزنته بفكري قبل لاتخطه أقلامي
ليا جا على المسموح والا على المحظور = سريته وسرّيته وحققت الأحلامي
أحضر فريد الشعر وأقنع الجمهور = وألعّب بنات الفكر بالصوت وأنغامي
سلامي سلام إسلام ماهو بكذب وزور = على السنه وهدي الصحابه والأسلامي
سلامٍ مثل مايجلي الليل شع النور = من الشرق لامنه تجلى بالأنسامي
سلآمي على رجلٍ وفيّ مالحقه اقصور = كسب بأسمه الطالات والمنصب السامي
عميد القطاع اللي على النهج والدستور = لا والله عميد المرجله وأقسم أقسامي
حفيد الرجال اللي ترد البرآ وتثور = فوجه العدو لاغرته بعض الأوهامي
عتيبه لهم بأرض الجزيره فعل مشهور = قبل تحكم الدوله أهل خضر الأعلامي
ولازال لعتيبه مع الوقت فعل ودور = مطانيخ وأبطال وعزيزين وأحشامي
وأبو مشعل الحافي بطيبه غدآ مذكور = شهر بأسمه وفعله على روس الأهرامي
اقطامي سلالة حر متوارثين اصقور = تعلو اوكور العز في طول الأعوامي
ينومس بني عمه حكيم النظر والشور = وبه تفخر الشيخان عامٍ ورآ عامي
مسخر اجهوده لجل محتاجٍ ومقهور = نصير المظلم لاشكو ظلم ظلآمي
على منهج الأبطال له سيره ومخبور = عسى الله يعافي حضرته طول الأيامي
وترآ ليا من غبت عنا لحقنا جور = ولا فيه طبٍ غير كفك للأسقامي
أبارك بنقلك والحقيقه ماني مسرور = ياكيف أفرح بنقلك وهو جرحي الدامي
أبمدح ومدحي لك شرف مامدحتك زور = ومن يشبهك بالفعل هو مصدر ألهامي
وأعذروني على التقصير
شعر / محسن حمود الديحاني