بدينا بذكر الله وفكري بدع معناه
وصدري مثل بحرن تصافق به امواجه
ولاياوجودي وجد من ضاق به ممشاه
يدور على دربه ولاشاف مخراجه
تموت العباد وكل شين على مبناه
ونرحل عن الدنيا قبل نقضي الحاجه
ولاياهني اللي ذكر فرضه وصلاه
وجنب معاصي نارها دوم وهاجه
من ايعيش با الدنيا لابده تزل اخطاه
وياخذ عبر ودروس من كثر ماواجه
لو انك تناظر وقتك وتنظر لمنهاه
احد ماسك العكاز وحدن بدراجه
ياهلال شب النار والكيف يامحلاه
على دار عودن طيب فعله ومنهاجه
تسمع لصوت الذيب فيها لاجر عواه
يخليك تنسى قوم با الكذب هراجه
صديقك صديقك يوم جاء لازمك تلقاه
وعدوك يقفل عنك باب بمزلاجه
انا في رجاء اللي طالبه جنته ورضاه
يسهل لنا دربن بلشنا بمدراجه
كلمات الشاعر مسند دعيس البلوي