قصائد الشاعر / مسند بن دعيس الوابصي البلوي
( يازين عطني من حياتك دقايق )
النـاس حطــو بيننا كـــل عايــــق ،،،،لاكن ابيها منك سمعـ(ن)وطاعـه
يازين عطني من حياتك دقايــــق ،،،،ولاطلبتك خلها نصف ســـاعـــه
القلب مـن مافيه بالحيل ضايــق ،،،، وده يعبر لك عســـى من قناعــه
واسمع كلامي كل مافيه لايــــق ،،،، لاتخدعك هرجة قليل الشجاعـــه
سبحان مـن يخلق جميع الخلايـق ،،،،، مثل القمر شوفك ينور شعاعـــه
والله اعـــزك كان تبغى الحقايـــق ،،،،، وبغى منك ساعه ولاهي طماعه
( عن اذنكم خلوني اجلس لحالي )
عن اذنكم خلوني اجلس لحالــي ........ في جلستي وحدي تجي جزل الامثال
انته غلات الروح وانته منــالــي .......... في ذمتــي لعطيك باالكـــف فنجــال
لونك تخلص مـــن يمينك دلالــي ........ اشــــرب من الــــدله وللكيــل كيــال
مبغى حــرام النـاس دامك حلالـي ........ ولا همنــــي زول البنيــه ليـــا مــال
الشمس تحــرق دورو لي ضلالي ........ هاذي رموش الزين تكفيني اظلال
تنظر بنص العيــن يابري حالــي ........ كني بجيتها مضيـــع لــــي اجمــال
ودي اسـولف بس ماجاء مجالي.......... ضاعت علوم الناس يساتر الحـــال
( رثاء الشهيد عوده معوض البلوي - رحمه الله)
الكل يرثي من رحل دون داره ؛؛؛؛؛عوده معوض راح فــدوة وطــنا
ماهمنا لو شنو الفرس غاره ؛؛؛؛؛ مـــدام هــــذا الحــر رجـــال منــا
النصرحنا وانتم اهل الخساره ؛؛؛؛؛ والغدر منكم واهل الاســـلام حنا
بلـي تشرف فيك ب أول صـداره ؛؛؛؛؛؛فــي ضل عبدالله وقايد بلـــدنا
ماهو حزن باالفعل هاذي بشاره؛؛؛؛ شهيدنا عـــوده وهــــذا فخـــرنا
من عينه قايد ووقــع قــراره ؛؛؛؛ رد المعـــادي عـــن وطنـــا وعــنا
مسكين ياللي خان دينه وجاره ؛؛؛؛؛؛ عســاه فــي بـــلـــواه لا يمتحنا
(رثاء الملك عبدالله - رحمه الله )
ان اشهـــد انــا ياملكنــا فقدنــاك
واحنا ماننسى مــن عطتنا يمينـه
طـــورت دولـتنا وشفنا مزايــاك
حتى القرى صارت بحكمك مدينه
وصلتنا للمجــد طولــت مســـراك
والشعب عزه بعــد ماعــــز دينــه
يـاخــادم الـبيتين وشلــون ننسـاك
والمملكه من بعدك امست حزينــه
حبــك بشعبـــك ياملــكنا وذكـــراك
لـــو غاب ابو متعب ذكــرنا سنينه
اعطيتنــا حبــك وحــنا عطيــتنـاك
حبن بوسط القلــب لك غــارزينــه