جيت الرسوم الباليه يابن عجلان
وافقيت منها بالوجل والحسايف
في عبلةٍ غرب المظيح وعردان
شرق الهضاب النازيات النوايف
ديرة سهاف السول تلعات الامتان
حم الذراء ياوصل زينة وصايف
سودٍ خواويرٍ لها عندنا شان
عشنا بها قبل الترف والوظايف
يازينها في خايعٍ نبته الوان
تتبع حباحيبٍ صغارٍ ولايف
بالذاكره ياوصل للبوش ميدان
والمسعد اللي منه ياوصل عايف
(عيد بجاد بن شده)
(المجاراه من وصل الله العالي)
؟؟؟؟؟؟؟؟؟؟؟؟؟؟؟؟؟
يا عيد لا تحزن على ماضين كان
اقفت احتونه ما بقاله طرايف
في مرتعاً بين الذنايب وكبشان
وعبلت حبر يازين فيها المصايف
دارٍ لها بالمجد ياعيد عنوان
وتاريخها يكتب بيض الصحايف
استقبلت سلفان واقفت بسلفان
بدون تزبن بالقسى كل خايف
حامين هيبتها قبل حكم شامان
يوم الجنابي والسيوف الرهايف
واليوم ما يسلابها الذيب سرحان
اقفت ضعاينها مثل منت شايف
وصل الله العالي