بسم الله الرحمن الرحيم
الإخوة الاعزاء/ السلام عليكم ورحمة الله وبركاته , اسعد الله اوقاتكم بكل خير.
اليكم هذا الحادثه , والتي جسدها الشاعر وصور موقفها بقصيدة معبرة , وهي للشاعر فالح بن فويز الشيباني , وسببها:
عزم الشاعر فالح على وجبة غداء , ولبى هذه الدعوة , وكان قد تحضر لهذه العزيمة , ولبس احسن واجمل ثيابه , ركب سيارته لذهاب لمكان العزيمة , وسار بها , واثناء سيره , لاحظ الشاعر تغير طارئ على سيارته , وفجئة تعطلت سيارته , ونزل من سيارته كي يتفحص المشكلة , ومع تفحصه اتسخت ملابسه , وكانت سيارات اللموزين تمر من جانبه , وتنبهه بمجيئها بمنبه البوري , وقد تضايق الشاعر من وضعة المزري , وحرجه من صاحب العزيمة , وانزعاجه من اصوات منبهات اللمزينات , واصبح في موقف محرج لايحسد عليه , فقال هذه الابيات متمثلاً:
تعطل موتري من عقب ماحضرت للمسيار= ولادري وشهي الاسباب يومنه تعطلبي
عقب ماني مشخص كاوين ثوبي تملى غبار=ووجهي شاحبٍ لونه ومن شافه تهولبي
اجامل من يكلمني على الجوال يبغى اخبار=وانا كن الحطب والنار وسط الجوف تشعلبي
هذا وارد عراوي باربي يوم ابتدا المشوار=بركبي في يمين الخط كنه بركت الثلبي
وانا لو ادري يوم تعتع نيته بوار=لاقطع كل لياته لعين الصلب بالخلبي
درادع والدرادع تشتكي من جورها الشعار=مثل ذاك المطيري قال حذرا تشترون البي
حصله موقفٍ محرج وانا مثله حسب ماصار=مطيري مع عتيبي يشتكون الضيم والغلبي
وانا يكفيني الي صارلي في واضح النهار=تكانفني ثلاثة لموزيناتٍ تبي سلبي
علام الناس ماتفزع لمن وضعه يبي تعبار=ثمان اسنين انادي ماحصل واحد تجملبي
اتمنى ان تحوز على رضائكم واستحسانكم
تحياتي