اقتباس:
المشاركة الأصلية كتبت بواسطة الشاعر مطر عيد القحطاني
خذيت جوالي أشيك بالأرقام
رقم يسد اللازم ورقم .. لله !!
أمشي وأخزن فيه من عشرة اعوام
لين أمتلى من كل ديره وحله
أرقام وأسماء كبيره وأجسام
من كبرها تملى غلاف المجله
أوراق غصن هزته ريح الأنسام
وأنحت من صلف الهبايب محله
إلا الصديق الصاحي الصادق الهام
مذخور وأصحاب المهمات قله
أحد مواصلني على طول الأيام
وتواصلي به طيلة العام كله
يفقدني إلى غبت وإن جيت له قام
واروح منه وعادني مشفق له
رفيقي اللي في القسا درع وحزام
وارقى به ظهور النجوم المطله
وأحد يتذكرني من العام..للعام
يرسل ولو بعض الرسايل ممله
في العيد بس وباقي الوقت صوام
وان جاء لزومه جاء بحله وطله
ما ارتاح من كثر اتصاله ولا أنام
وإلى قضينا لازمه ماندله
هذا سبب شطبي لمجموعة أرقام
من هاتفي وأعلنتها في المجله .. |
ياسلام ياسلام ياسلام
يامطر
والله الابداع والجزاله لها دور معك وتزهابك
كلام كبير وجزل
احترامي وتقديري لسمووك