عبدالمجيد الثعلي
سلام رديـة ٍ من سدها علـوم=علوم وعلوم يامعجب كثيـره
متى ماتصحى أنت وأصحابك من النـوم=مأمون مأمون . رادارك وديــره
معجب العتيبي
يامرحبابك حسب عادات واسلوم=اسلوم واسلوم سكان الجزيره
من نومة الذيب لا لايامن القوم=والموتمن موتمن لو غاب غيره
عبدالمجيد الثعلي
ماني عـدو لعدو الفرس والروم=كم رجل حول شداده عن بعيـره
السوق قبل الشراء والبيع للسـوم=مطحون حب الرحاه المستديـره
معجب العتيبي
ان غاب عن واجبه ماهوب مخدوم=وان قام ابه سيرته تصبح شهيره
الفعل بين الخلايق شي مقسوم=والطيّب اللي فرق شره وخيره
عبدالمجيد الثعلي
والله ما ألوم الذي مايلحقـه لـوم=تجيك الأخبار فأخبـار الجزيـرة
لو ودكم تغرسون أشجار زقـوم=هقوتك تبعد و خطواتك قصيـره
معجب العتيبي
لولا النصيحه وهرج العقل واللوم=المجتمع ينجهل تالي مصيره
ماني على الرد يارجال ملزوم=والرجل عقله يابن عاضي شويره