ابتديت بذكر خلاق البريه
الودود اللي لطيف في عباده
عالم الظاهر وماتخفي السريه
فارج الكربات من بعد النكاده
ومن بعد ذكره بعد إذن البقيه
ودي أرفع دعوتي لراس القيادة
يإزعيم المملكة بعد التحيه
يأسليل المرجله رمز الريادة
أسمع الموضوع وعنوان القضيه
وأنت حلال الصعائب والعقاده
وش رأيك بمزهقين نفوس حيه
ماادري هو مقصود منهم أو بلاده
كل يوم نسمع إن فينا ضحيه
وتذهب أرواح البشر قتل وأباده
والطبيب اللي فرحنا في مجيه
هو سبب من بعد ربي بالسعادة
يصبح القاتل وهو شر واذيه
والشهاده يعلم الله بالشهادة
يااابو متعب بالصدر نار لظيه
شبها الدكتور في طبه وزاده
بعد ماشفنا التهاون والخطيه
هيكل الصحه يبيله من أعاده
الشاعر /أبونايف المرواني