هذه بعض القصائد لشاعرنا خالد بن سعود العصيمي
أتمنى أن تنال على أعجابكم..
قصيدة بعنوان(( طـريق الـحـرام الله يباركلك ))
يا معذرب الناس لاتنغر فـي شكلـك=ترا العذاريب غير اللبـس والشكلـي
العيب لاجيت لك رجـل يتعلـك لـك=وسط المجالس نصيحه لاتعلـك لـي
أسترعيوبك وطعني والله أبـرك لـك=بكره تحسف تقول أي والله أبرك لـي
خبلٍ علي الدبك من جالك يدبْـك لـك=ماني بشرواك من جاني يدبـك لـي
واحذر يغرك زمانك ويتضاحـك لـك=لاتقول دنياي تعطيني وتضحـك لـي
لابد من يوم في وجهك تصكـك لـك=وتقول بيبانهـا قامـت تصكـك لـي
جنب طريق الحـرام الله يبـارك لـك=واعرف طريق الحلال الله امبارك لي
أسلك طريقٍن سليم الناس تسلك لـك=وأترك طريق المصالح لا تسلك لـي
والي حلفلك براسك شخص مشرك لك=وشلون تحلف بغير الله وتشرك لـي
مايجوز نجلس معك ونشاركك فك لك=أكلك تهنابه إلك أكلـك وألـي أكلـي
وألي مصاحبك قطع له ويمسك لـك=ماني مقطع ولاطالبـك تمسـك لـي
منت بحمل للجمل ونقول يبـرك لـك=ولاأنت بجمل للحمل وأقول تبرك لـي
وأن كان تحبك ترابه ناس تحبك لـك=لاتقول بحبك ولابه ناس تحبـك لـي
خل الكلك عنك ماينفعـك لـو تكلـك=عندي خبرفي الكلك وشلون تكلك لي
والمـال ماينفعـك لوانـك إملكلـك=ماينفعـك غيرفعلـك لا تلكلـك لـي
عليك بالطيـب والدنيـا تفكـك لـك=فعل الردا لاتقـول انـه يفكـك لـي
قصيدة بعنوان (خلف هذال )
شاعر مع الشعار وافـن باعـي=من قبل لادخل عارفن مطلاعـي
واختارمن طيب المعاني الجزلـه=باسمي وفيه بصمتي باصباعـي
ماجيبها من غيـر ذوق ومعنـى=لاجبتهـا تطربلهـا الاسمـاعـي
يصغي لها الذويق فـي معناهـا=ويفهم لها من كان عقله واعـي
الشعر له عشرين بـاب ومعنـى=والي يدل ابه السنـع ماضاعـي
كم واحد غامـر وطـب بحـوره=علي سفينـه ماعليهـا شراعـي
ضربهـا الغبـه وحالـت دونـه=يبي الرجوع ولاحصل مرجاعـي
نـاسٍ تمنـى والتمنـي ضيعـه=بعض الكلام يقـال مالـه داعـي
امـا يجيـب الـدره المخزونـه=والا يجنب والـدروب وساعـي
والـي مايحمـي بالقـا ميقافـه=ماهو مكلف يبحـث الاوضاعـي
يلـي تقـول ان الحداثـه معنـا=خلـه تـراك تقلـب الاوجاعـي
ماتخفـي ايـام الزمـن يتبيـن=والدهن لاجته الحـراره ماعـي
والشعراله ناس تحبـك ابيوتـه=مهوب سايب له حمـاه وراعـي
كثرت قنـوات الشعـر ورجالـه=كل يجي فـي ساحتـه طماعـي
لو كان مايدرون وش مضمونـه=كـلٍ يـورد حجتـه شـلاعـي
الامسيـات الـي لهـا عشاقـه=صوت وصدى علي النغم وايقاعي
يدينهم تومـي وصـوتٍ عالـي=تقول من كثر البشـر مرتاعـي
وان جيت بحفظ بيـت مماقالـوا=عجزت احفظه لو احب اكواعـي
كـل علـي ماقيـل دانـا دانـا=للكيمـرات وللفـضـا فـزاعـي
يجيب لك قطعه سحـاب ونجمـه=ويحولـون اعلوهـا للقـاعـي
والشمس صار الها رصيفٍ يعرف=والبرق يرسل في النهار اشعاعي
واليا نشدته ويش يقصـد فيهـا=حط المثل بطن الشعـر شماعـي
ناسٍ بلت شعر النبـط وحروفـه=والكـل منهـم للهزل بيـاعـي
ان كان طال الوقت في هل الحاله=ضعنا وضاع الشعر والاسناعـي
مالوم ابن شلحـاط فـي ماقالـه=انا اشهد انـه ياعـرب ملتاعـي
الشعر عرفه عند مـن ضحولـه=الي يكيلـون الذهـب بصاعـي
مثل خلـف هـذال فـي وقفاتـه=والاسعد جـدلان ذكـره شاعـي
والا كما بن عون هو ويا الخـس=والا الحويفي يوم وقتـه طاعـي
وناس كثيره ماقـدرت احصيهـا=اشعارها علـي المـلا تنذاعـي
جواهـرن تعجبـك فـي معناهـا=يطربلها من كـان فكـره واعـي
تمت بذكـر الله ولاحـد غيـره=وصلوا علي الـي للهدا تباعـي
قصيدة بعنوان ((طيـر ابـا بيل ))
مرحبا في مرحبا في مرحبا فـي مرحبـا=مرحبـا ياسيدهـم ياسيدهـم ياسيـدهـم
سيدهم غصبٍ عليهم من تعرض ويش يبا=ويش يبا يوم ايتعرض للبشـر ويعيدهـم
عيدهـم فرقـاه والله لا تبعـد وغتـبـا=لاغتبا عنهـم وفارقهـم تـراه يزيدهـم
زيدهـم يانورقلبـي كـل ماجـاك النبـا=والنبا لاجاك مـن هـم ينعـرف بريدهـم
ينعـرف بريدهـم عنوانهـم فيـه الغبـا=الغبـا موجـود فيهـم يحملـه وريدهـم
يحمله وريدهم من عـلا عصـر الصبـا=والصبا لاطاف عمره صعب فيـه نعيدهـم
عيدهم لاجيت صاحي حطـو بقلبـك وبـا=الوبا يـاروح روحـي صايـرٍ عقيدهـم
صايرٍعقيدهـم موجـود فيهـم وش تبـا=ويش تبا في ناس ضاعت ماتعرف سعيدهم
والسعيد اكبر هديه ضربتينٍـك فـي خبـا=في خبا يضربك رمحه بس ماني صيدهـم
صيدهم موجودعندي لاقروا قصـت سبـا=ياسبا والعرش عرشـك علمـي عبيدهـم
علمي عبيدهم يقرون قصـة طيـر ( ابــا=بيل ) يومنـه رجمهـم مايعـد اشهيدهـم
الشهيد الي يغادرهم علـي اقـرب موكبـا=موكباٍيبعدك عنهم نقـص فـي رصيدهـم
قصيدة بعنوان (( قصتي معك قصه ))
يا قمرصرت في واقع خيالك أسير=من كثر ما تجيني في لذيذ المنام
كل ماغبت لحظه للخيال أستعير=وارسل الدمعه اللي مثل وبل الغمام
أتخيل وصدق مايشوف النظير=نص ساعه أتعيشني بجو الغرام
أسهرالليل والافكار مني تحير=ماهنالي رقادولاهنالي طعام
قصتي معك قصه حار فيها البصير=فوق وصف الخيال اعيش جو انسجام
كل ماقلت سار الحظ عيا يسير=لااستراح الضمير ولا وصلت المرام
لاتخلي محبٍ ضاع ماله مصير=ضده الوقت لين امسى بوادي الهيام
ياهوى البال مالك وسط قلبي خشير=مالك كل احاسيسي بحلو الكلام
انت توك صغير وفي عيوني كبير=الله اللي لخلقه يفرض الاحترام
ليت من له جناح وريش يقدر يطير =لو اجروحه عميقه شال جرحه وحام
اتحرى يجيني من طرفكم بشير =يفرح اللي عليه النوم لجلك حرام
لو تطول الليالي منزلك بالضمير=في وجودك نهار وفي غيابك ظلام
انت يانوري اللي في ضياك استنير =ياعفيف الجناب ويارفيع المقام
بينا البعد ماينطاق مرٍ مرير=كم صبرنا وجانا من طرفكم ملام
لذت الحب ساعه مثل ظلٍ قصير =حلوها بالسلام ومرها بالخت
قصيدة بعنوان ((قيس أبن الملوح ))
الاياليت أبه في الحب قاضـي=ويقضي بالعداله فـي المحبـه
ويعطي كل محبوبـن حقوقـه=ويرضى فيه من لاكان راضـي
ولا يظلم حبيـبٍ مـع حبيبـه=ولايزعل من الاثنيـن واحـد
صدر حكمه بلا استئناف منهم=وتنحل بالقضيـه والتقاضـي
لان الحب بحـرٍ مـن دخلبـه=يضيع أبه الشجاع أبو الهقاوي
يضيع ابغبتـه لوكـان يسبـح=عليه الموج بعد الموج فاضـي
ومن يجهل نصيحـه لايجيلـه=تـراه يعـذب القلـب ويسلـه
يشوف اللي جرى للناس قبلـه=ويعرف وش جرى لعيال قاضي
ويقراء في قصص عنتر وعبله=وأبوزيـد الهلالـي والدجيمـا
وبن لعبـون سوابـه سوايـا=ذكربه مي في ذيـك الفياضـي
وقيس أبن الملوح في عصوره=وليلى العامريـه مـن نساهـا
كثير الي غدابه مـن ضحايـا=قضى بعمارهم محد امتقاضـي
وأنا خايف من الي صار فيهـم=يصيربحالتي وأصبـح ضحيـه
وأموت من الهوى باخر شبابي=وأصير بماحصل في فعل ماضي