[هذال العتيبي]

مـــرثيهه قالها الشاعر الشيخ :فالح بن عبدالله الحمياني العتيبي بعد وفآه أخيهه الشيخ :سعد بن عبد الله الحمياني العتيبي (رحمهه الله وأسكن فسيح جناتهه)

هاظت هجوسي من ضميري وقالها
وابديتهـا من بعــد ماجا مجـالهـــا

تهيظت واشجاني زماني وهاظني
والنـاس ماتعلم وش اللي جرالها

دنيـــا تقلب بيـــن يــوم وليلــــه
ولاخير فالدنيا ولا من ســعى لها

تفكـرت أنا في ايامهـا والليــالي
ماعمـرها رقت للإ نســـــان حالها

واحــد تـزين لــه والأخر تشــيله
تـرميه في حفره سريع إنهيـالها

كم فـرقت مابيــن غــالي وغــالي
وذاقـوا مـرارتهــا وذاقوا نكـالها

ونـا من اللي جــربوا كـل مـابها
أعــرف هــوايلـها وعــارف دلالهـا

اللـــه يـالـدنيـا كفـا اللـــه شــرها
تـضحك نواظـرها ويدرج محـالها

فقـدت فيها راعي الجـود والكرم
والصدق والنخوه مـع الطيب نالها

يوم الثلوث أول شهر فطـرثاني
جـاه القـدر والــروح قفآء زوالها

شـالوه فوق أمتان ربعه وعزوته
أعيـــال عمـــه طيب اللـــه فالهــا

ودوه في دار تقــافت طعـونـهـا
مابين أبــوه ونخبـــة من رجــالها

أبطــال عاشـوا في ديار البطـوله
وســـادوا أراضيها وهـزوا جبـالها

حطوه.في حفرة من المسك طيبها
صكوا صفــايحها وهـالـوا رمــالها

مرحوم يللي عارف الطيب والوفاء
وكل الشـــجاعه بين الأجيال نالها

أخــوي ون صـديت صوبــه يـدلني
صاحب مشـــوره مايغيـــر بـدالها

دايـم ليــا جوه الـرفـاقـه يـرحـب
في وســط خلـه كيفها في دلالها

وليا دعي وقت المهمــات يعتـزي
ماينـدرق عنهــــا ويــرمي حبــالها

هذاك أبو نوره كريم الســـــجايا
كم كلمة في مطــرح الحــق قالها

ولا يعرف الهيبــه ودرب الرخامه
ولا قط يوم من الـزمان إنحنـالها

لعـل قبــره يـغـرقه رايــح الحيـا
ســــحابـة تبـرق ويمطـر خيــالها

وأللــه يغفـر لـه ذنـوبه ويرحمـه
ويسـكن بجنات النعيم وظــلالها
تاريخ 5/ 1430/11/ هـــ