طاروق لا يحتاج إلى مقدمات محمد السناني وعلي العضياني أضعه بين أيديكم
محمد السناني
سلام الله سلام(ن) ما يكلفني ليا غنيت = ليا قلت السلام ورحمت المولى وبركاته
نهضنا للصلاه ولا حسبنا فارق التوقيت= أحد صلى على وقته وأحد وقت السعد فاته
علي العضياني
هلا يا مرحبا واقلط على سلم العرب حييت = وحنا نبتغي بالطيب وجه الله ومرضاته
على نهج النبي مافيه فرض(ن) فات ما صليت=ترى المسلم يناشد فالقيامه عن صلواته
محمد السناني
يدوم إلك البقى يالفارس اللي ساع دوبك جيت= أخاف المجتمع ينفاه ويخرب علاقاته
سفر صلى معك ولا لحالك طفت حول البيت = ترى كل (ن) حرامه يلبسه لامر ميقاته
علي العضياني
أنا ما جيت غير أقرا عليك و يظهر العفريت = بعدها شاعر جهينه يبطّل من حركاته
سفر شاعر عتيبه يوم شب النار بالكبريت= على كيفه يشب النار حتى يشوي شواته
محمد السناني
ما دام إنك بحال الغرغره نطلب لك التثبيت = بن آدم فإحتضار يشوف حسناته وسياته
غلطت بحق روق وحق برقا عمد كيف أخطيت = زعيم الشرق الاوسط منت داري عن سياساته
علي العضياني
هذا الشاعر محمد كل من شافه دعى لبخيت = يقول الله يرده من جديد ونسمع أبياته
ترى منته مكلف لجنه تسوي هنا تصويت = عتيبه كل واحد فاللزوم تبين وقفاته
محمد السناني
نبا دعوتك تقبل مير لاخرصي ولا ظنيت = محمل دين والوجه الرضي تظهر علاماته
كلام الحق ما يرضي وساس البيت عند ثبيت = لكن كل(ن) يحث خطاه ويراجع ملفاته
علي العضياني
سمعنا العيص من بعد الزلازل صار فيها زيت = دليله رادي أهل الديره تشوش محطاته
| التوقيع |
|
عالم تويتر
abofayeh@ |