(بسم الله الرحمن الرحيم)
ابوزيد
هلا يا مرحبا ترحيبة يطرب لها الحضار = تراحيب الوفاء والطيبة من حظ راعيها
ألا يا سليم جنبتو عن الجنة تبون النار = وهذي مشكلة والنار تحرق رجل واطيها
ابوفيصل
عساكم للبقى ياعتيبة الجمهـور والشعـار = عتيبه من قديم الوقـت تاخذهـا وتعطيهـا
دروب اسليم دايم في اليمين ولا تروح يسار = على الدرب الصحيح اللى على الجنة يوديها
ابوزيد
عتيبة من قديم الوقت لا تبلش ولا تحتار = ولا جينا سليم القوم نزهمها بأساميها
منول مار هالحينه حدتهم حيةٍ فالــــغار = يموت سمها والناس تزري لا تذكيهـا
ابو فيصل
انا ماقول فيكم كل أبوكم في اللزوم خيار=لكـن ايامنـا وليالهـا كثـرت بلاويهـا
تجمعتوا وشرهتوا منول في علوم اكبار =وجتك الحاجة اللى يالغبيوي منت حاسيها
ابو زيد
محمد كلما شبت شبوبه في المواقف ثار = ولن دارت رحانا في المواقف يبتلش فيها
تجمعنا وحققنا هدفنا في الزمن يا جـــار=لكن انته جبـــالك عد فيـــها لا تخلـــــــيها
ابو فيصل
اثرها جات في مقتل ودمك يالغبيوي فار = حقيقة والحقيقة تكحل عيونك وتعميها
ترى الشيطان يالعتبان يرمونه بسبع اجمار = وانا خابرك عايش فالصحاري ماتخليها
ابو زيد
أنا خابرك طار كل ما رفرف ما مـــثله طــار = حقيقة والحقيقة تتضح ما احدٍ يخفيــــها
أنا داري من العارض ليا الحرة واحكم الشار = ولن حجيت بجماري عيال ابليس ابرميها
ابو فيصل
انا شايفك في ذا الليل مستفزع بعشر انفار= احد منهم يجيب اعلوم والثاني يوديها
والا ياصحابي اعتيبة لكم حشمة لكم مقدار= وأختمها بذكر الله فولها وتاليها
______________________
أعزائي أعضاء وزوار منتديات عتيبه الهيلا
يتجدد بنا الِلقاء في محاوره شعريه تجمع بين نجمين من نجوم الساحه الشعريه صالا وجالا
وسطروا أسماءهم في ساحات المحاوره,موعدكم مع الشاعرين الكبيرين:-
الشاعر الكبير:-
ابو زيد الغبيوي
والشاعر الكبير:-
محمد العطاوي السُلمي
وبإذن الله ستكون محاوره منتظره وقويه ونحن في أنتظار الفتل والنقض وأقوى ابيات الشعر
لما عُرف عن الشاعرين بالجزاله والقوه..
ستكون البدايه من الشاعر :-
ابوزيد الغبيوي
ملاحظه:-سيتم إغلاق أي محاوره تُقام في المنتدى أثنا المحاوره المباشره ..
تحياااااااااااااتي لكم