شعــــــــراء قبيلـــــَــه الشيابين
صنيتــــــان بن فتـــــن المرشدي العبدلي .. لقــب بـــ[ القلــــص ]
بسم الله الرحمن خلاق ماراد=اللي على كل الامور محمودي
والله لا ترضى علي بزهاد=وجعل اليالي بيض ماهيب سودي
وانا ماودري بين مذهب ونشاد=ولا نصيت انصى عريب الجدودي
جود(ن)تسلسل من على وقت الاجداد=لاغاب جود ارسى على الجود جودي
سلام يابن الجود ياذخر الاجواد=يابن الفهد يالمذخره للفهودي
يالمرجع الي بين صادر ووراد=مثل البحر دايم وموجه يزودي
وانته سندنا مانبا غيره اسناد=واللي تعلق فيك يرقى سنودي
وقال هنا
يالله يالله ياعدال مامالي=تشهد على قول ابن ثعلي ومعناه
ويانعم يانعم ياماضين الافعالي=والحجز كلن معشن فيه واجناه
دون عتيبة بغال المال والحالي=محدن عطى ماقفه غيره وخلاه
مسلط جرى له فعول ومثله امثالي=ناصر وسربه هل الحردى المسماه
تركي وسلطان ومناحي وهذالي=اللي عري سرح ركبه لين كساه
يكسيه وانته ورا معزاك وتلالي=تهد زربك وتبني في حجاياه
بالاد شيبان سيل يركب الجالي=رجالهم ينتصر يوم المثاراه
سالو على نجد مثل السيل لاسالي=االيا ركبله جذيب وعال مجراه
محوالهم مايبي في اليل ولالي=حتى العمى مايجنب عن (جداياه)
واللي حمو نجد في الاول وفالتالي=اللي ملك ملك ابن هادي ومرساه
ياما فدوا نجد من راس ابلج غالي=لين الضعيف شرب بالحبل من ماه
ومحمد الي تزلزل منه الاقذالي=الي فقدتوه يومنا فقدناه
يشب نارا سناها يشعل اشعالي=انشد هل العرف بيته وين مبناه
واحط لك في حياض المجد معدالي=انشد ودور كلامي وابحث اقصاه
وهنا في الشعر الحماسي
سلام الله عليكم ياعتيبه والعلوم أقصار=عزاتي والقبايل كلها تبدي عزاويها
حدينا الي يمين يمين والحربي يروح أيسار=على قحص المهار الي محذاتآ مواطيها
وترى نجد الهنوف أم القرون ولابتي حجار=ولانعطي الشريعه والدعاوي لمن هرج فيها
أخذنا نجد شعبانه وظلعانة وفيه أبيار=بعدلات الرماح الي مزرجتآ مثانيها
ولا يفكرتي تمشيبها العفرا بدون اصرار=ونا الي حالفاً عقالها معاد يهويها
وهنا في قصيده بعنوان حرب القهر
زكن علينا الملك في ماضي طلابه= وكلن احزامه من الصندوق يملونه
واليا بريد المطار مشرع بابه=والي يتبرع بمركبها يعيدونها
وزاعت بربع(ن) بغالي الروح جلابه= والخد نصبر نضيد المزن من دونه
تزويع حر شهر ثم كف مخلابه=يوم القنانيص بالملواح يدعونه
ثم نزلتنا على جيزان واجنابه=واليا الدليله مع اولنا ينادونه
وقالو هلا الطور للاسلام حرابه=وامر الحكومه من اولهم يعاصونه
في راس طور(ن) طويل ولا يدعابه=والي يدعيه بنبوت يرمونه
زهوان ضلع(ن) مصكك ماله اشعابه=والباب ذلو هل الشوكات من دونه
من عقب يوم الثلوث الي تسنوابه=الريث كلن تبرا مايبا كونه
وقالو تراهم اخباث ودونهم غابه=ورجالهم فالمحاجي ماتشوفونه
وبعنا وبارق هل التوحيد يمشا به=وجاهم نهارن من اول مايعرفونه
والله لنرقى القهر لين انتعلوابه=مهوب بارق تمامياً يردونه
في راي شيخ ينومس من تقدوىآ به=عبدالله الي هل الرايات يتلونه
الضلع عزز عليه وجود اطنابه=وحط المدافه والرشاش بركونه
واسلاحهم ياطويل العمر جينابه=والقصر خلي على القدرات يبنونه
فعلن علاهم للاخر يحاكابه=الحرب حطو مضاهم مايعودونه
اختم كلامي بذكر الرب وكتابه=الوالي الي هل الطاعات يرجونه
وقال هنــــا :
ليت وابي تدخلين العسكريـه =تاخذين البنطلـون وتلبسـينـــه
تلزمين الباب والنوبه شويـه =والذي قدمك يروح تداقشيـنــه
وان كتبتي لاتجين امشاغبيه =كل مسؤول(ن)تبين تشاغبينه
وان لبستي لبسهم مري عليه =بصــبر الشنقــيط يوم تعلقيـنه
وقال ايضا في الذلول
لــي فــاطــر يـوم شـلـت مــن وراء الدبـه =مـاكــان قــدمــي مــراقيبــا مهـاييقـــي
فــي مــامضـاء كـورهــا ردم الشحــم كبـة =والـيــوم راحــت كـنـهـــا الــهيــــقــي
خشـــيرتــي فالقلـــص يــومنــي اشــربــه =مـن مـاردا خـاليـا مـالـة طـواريـقــــي
يـــزيـــن مــيـــرادهــــا والنـــار مشـتبـــه =يـوم الشـفايـا عليهـا تـابـس الـريـقـــي
اطــى وطـيـتـــي عـلــى لـهـــابـة الـلـبـــة =لــوكـان بيـضـا كمـا لــون الغــريقـــي
يــا فــاطــري كـل ممبـوبـــا قضــاء نبـــه =وكلـن تفطـر وانـا صـايم علـى ريقــي
تنحـــريبــي وطــن مــن صــابنــي حبـــة =صنعت صواب ام خمس مع التفافيقي
الـجــادل اللــي وثيـــق القــلـــب تـلــعـبــه =تـسـرق خـفـايـاه مـن بيـن المـغاليقــي
وقـرونهـا شـقـر فـوق الجــيـب من صـبــه =مـحـولاتـن عـلى بيض السمـاحيــقــي
اللــي الهــرجــي تعـــوج الـروح مـلـتبـــه =مـانيـب فـي عينهـا صنـع المخـالـيقـي
مـن عقبهـا اونـس عـراوي القـلـب مـختبه =بـقـصـا مـعالـيقهـا صـنـع الـمـعـالـيقي
جــيت اتــطبـب الــهـو ضــايــــع طــبــه =وهــي غــدت بـالـفـواد وبـالمعـالـيقــي
يــابنــت كــلـن تحــاســيبــه علــى ربــــه =لاكن اباء انذرك عن عشق الحميميقي
ايــن الحـمـيـمــيق مــا صـقـــار يـحتـبـــه =مـاعـلقــوا فـيــة زينــات المســـابيقـي
مــايــذبـــح الصـيـــد لـوطبـــوبـة الـربــة =ضـلا يطـرق عـن الاجـوال تطـريقـي
فرد نيابه عن الذلول
يــاخـــي وثـــق علــي شـــديـــد الــجبــــه =وجــود كليفـك يـازيــن التــوافـيـقــي
ولله لــردك على مـن صــرت تـــحـتــبـــه =وان قـالـه الله لـصـوبحبك مواحيقــي
لــوكـــان جــافـــل سنـــامــي كـنـة الـقـبـة =ابشـر لـوديك مـن يـزهـا العشـاريقـي
الصـاحـب اللـي يـقـولــون العــرب كــبــه =بـلـعـون مـافي مشـاورهـم مطـاليقــي
الشـــــــاعر براك بن سحمــــان الخليفي الشيباني
الشاعر براك بن سحمان الشيباني
القصيده الاولى :
الاولـه يـارب زيـن حيـاتـي=واكتب لي الجنه اليا جـن الاقـدار
ياعنـك ماحسـبـت للمقبـلاتـي=ياكود والي العرش حسب للامطار
لاجونـي الخطـار بتيـت شاتـي=مانيـب مثبـور جـداه التـعـذار
ولـي فاطـر عنيتهـا ماتبـاتـي=مادام ماجاها مـن الـرب مقـدار
يامـا حشيـت بدودهـا بالهلاتـي=قدامها صيد الخـلا غـادن نيـار
وياطـول مانصيتهـا المشرفاتـي=واكثر مداهيلي من الهضب ويسار
وياكثـر ماخليتهـن مسهـداتـي=واخذت مشعابي على خبوة النـار
وضويت كني معذر فـي الحياتـي=واصبحت انقي في المعاشير واختار
يوم ان عايض عشقته في البناتـي=ماذاق لذات الهـوى طافـي النـار
القصيده الثانيه :
هذا قصيدة لبراك في ناقته يقول فيها
البارحة كني على الجمر ممسود=مثل الخلوج اللي تذكـر ولدهـا
ياحيسفي يافاطري شمعة الـذود=ينجاز من طريا التبدوي بعدهـا
عدولة الخطار وان صرم العود=ومن قام منا يالحمولـه عمدهـا
طلوقتي بالليل من ذود جلعـود=يوم ان رجلي مستمرن سعدهـا
يازينها مع خشم حليـت وبـود=بعد ركبت شدادها مـن وعدهـا
الليل ناخذ منه مايدفـع الكـود=والصبح ندفع ضرعها من هددها
القصيده الثالثه :
وهذه القصيدة قالها براك بعد ماغزا واخذ ذروات من ابل ابن رشيد وراح ابها للحجاز و يوم طاح الربيع على نجد حولوا عتيبه لنجد ومن ضمنهم ذوي خليفه جماعة براك وبقى هوفي ركبه ويقول براك:
شـدوا وخلونـي نشامـى العيالـي=راحوا وضيف الله تضارب بالاشوار
ياعنـك مافـرق ربوعـي خمالـي=لانيـب لاسـارق ولا بايـق جـار
ياكـود فلـج عشارهـا والمتـالـي=كسبي على وضح النقا حسك الاوبار
لي فاطـر عفـرا سـوات الهلالـي=حنت تبا المنحى وتعطيـل الاقفـار
وحنـث عليـه حاكـم بالشمـالـي=ومن السهر زادت على القلب الاوزار
يالله مـن نـؤ صـدوق الخيـالـي=يسقي من النفران اليا عـن ويسـار
حتى يساوي النبـت مثـل الزوالـي=شرشر واعاضيد وحـوذان ومـرار
ياراكب اللـي فوقهـا النـي كالـي=بعيدة مفج العضد ماناشـت الـزار
ملفاك ابـن هنـدي منـج التوالـي=تكفى يا ابن هندي تبصر بالابصـار
من شد ليـل مـن حسـاب الليالـي=ممسين مابيـن الاشـده والاكـوار
القصيده الرابعه :
هذا القصيده للفارس براك عندما كان يدرب ( سمحه )
لاحد الغزوات فضلعت اثنا التدريب ويقول فيها:
وراك ياسمحه من الضلع تدرين=مدري هدد وإلا فرصك الشدادي
وانا معفيك الحيا وقـم تسعيـن=ومرمع لك عند مدرى وهـادي
والابل في وادي الرمه يم ابانين=ريحة عبسها مثل ريح الزبـادي
ماعندها غير المغصب رعاييـن=يحيلها الله مـن يديـن لإيـادي
وإليا رزقنا الله بـذود المغريـن=افرق على ربعي بناقـة شـدادي
بنسف عليها الكور والجاعد الزين=واسجها والها علـىالله منـادي
ياماحلا صك الغنا عقب عشرين=على العشاير مقرعات التـوادي
القصيده الخامسه :
يامـل عيـن ودهـا بالمسانـيـد=ماترزق الا فـي عـلاوي ديرهـا
وياونتـي ونـة هزيـل المعاويـد=على القليب اللـي طـوال حدرهـا
اشكي من الفرقا وطـول المواريـد=وزملي من القامـه تثالـغ دبرهـا
ياليتني مع شـارع التـوم وفهيـد=من فوق عيـرات تقـارع بدرهـا
وبيوتهـم يـم العريفـه مشايـيـد=في عبلة بيضاء تعاقـب زهرهـا
ذليت مـن ذروات قطاعـة البيـدو=ازريت لاصل ديرتي من خطرها
حنث علـي محمـد مـرذي العيـد=اللي حكم مـن بـر هـا لبحرهـا
زيروم نمـرا كـل يـوم سناجيـد=وان جا يحكـر رفيهـا ماقهرهـا
حكمه من البصره الي قصر ابو زيد=حراير تاطى السهل مـع وعرهـا
واليا تركت رماح كنه ضحى عيـد=يوم الفرح ربعـي تفلـل نشرهـا
القصيده السادسه :
وهي رديه بين الفارس براك بن سحمان ومحسن بن شويب شاعر ابن رشيد
يقول محسن الشويب :
ياراكب من عندنا فـي حراكـي=هزع الوراكي مثل قوس العراجين
يالهجن لايطري عليك البراكـي=من دون مفحل شرفن بي على تين
يالهجن براك المسمـى مساكـي=براك عيد مقفضيـن المواعيـن
ثم سايله بالديـن ديـن الهلاكـي=مامرهم باول قصيـر مظاعيـن
في زول مقرون حجاجه عصاكي=في راي ابن سحمان شيخ الشيابين
من عقب سيدي مالبست الحياكـي=وان هب ذعذاع الهواء هلت العين
وداعة اللـي ينزلـون الدكاكـي=وحاذور من درب الشواو المحفين
يالهجن انا خابـرن وش بلاكـي=مرباعنا هاك السنه في ضرابيـن
ورد عليه ابن سحمان يقول :
ياراكب اللي مشيها باصطواكـي=مافوقها الا اكوارهـا والفواليـن
ركابها ماهوب خطـو المكاكـي=يولب عليها مثل سبع السراحيـن
تلف الشويب واخطفه بالمناكـي=هيف السمان وسعد ركب جواعين
وقل له عليه من صحيبك مشاكي=يامحسن اللي عندنا تطلب الديـن
طردنا اخو نوره ورحنا وراكي=ولا ردنا غير النخل والذراعيـن
ومقطانها حسو على جال راكـي=نختار في منزاحنـا والمقاريـن
الشاعر بندر بن تركي بن هليل بن غلاب العفين المرشدي العبدلي الشيباني
اول قصيده نبتديبها هي وطنيه لين الوطن غالي علينا جميعاً وهي رباعيه
يقول الشعريعجز كيف ياصف وطنا =اللي على غالي ترابه سكنا
اجدادنا عاشوا عليه وحضنا=يالله ياربي تكافيه الاشرار
تحمى حمى مكه وتحمى المدينه =وتكيد للكايد وتقصر بدينه
ولاخاب من يطلبك وانته عوينه=ياجامع بين المهاجر والانصار
حناوطنا مهبط للرساله =نمشي على سنة نبي العداله
نمشي على نهجه ونتبع مقاله=نمشي على خط(ن) محمد معه سار
بقيادة اللي ناهج نهج الاسلام= يمشي على الخطه مع الدرب قدام
في كل عام نشوفه احسن من العام=عبدالله اللي ماش مثله ولاصار
اللي عيونه ساهره ماتنامي =دايم يدينه دون شعبه حوامي
يفرض وجوده باسم بطل السلامي=كونه يداري دونناكل الاخطار
وللشعب في الداخل يراعي ظروفه=ينشدعن المحتاج حتى يشوفه
الكل منا قدوزاه معروفه=نزف له شكرالمواطن فالاخبار
ليت الجرايدتنشراللي نقوله =عبرالوطن ياعلي عرضه وطوله
في الشعب عبدالله ياماجمل فعوله=حبه سكن بقلوبنا كبار وصغار
هذه احد قصائد الشاعر بندر بن تركي بن هليل بن غلاب المرشدي تعبر عن احساسه
الله من قلبٍ همومه تزفه = زفت غريقن جاهلٍٍ في السباحه
وايق على موج البحر مع مهفه =والجاذبيه عجلت في مطاحه
من قوها ياعلي عجلٍ مهفه =ماينفعه لوصاح قوة صياحه
عليه طال الوقت مالحق شفه =يعد وقته في مساه وصباحه
يكفخ كما طيرٍ كفخ فوق رفه =ومن التوجد زايداتٍ جراحه
يانقص عليه الي يمده بكفه =للي يجي محتاج ماهي سياحه
ومن غيرها واجد علومن تحفه =تحول مابينه و بين انشراحه
يالله يلي كل خلقه بضفه =تعين منهو قالها بالصراحه
هذه مراسله بين الشاعر بندر بن تركي بن هليل و الشاعر عساف بن نعيس الشيباني
عندما كان الشاعر بندر في تبوك عام 1384 هجري وكان الشاعر عساف قد زار الشاعر بندر
في تبوك ومكث عنده وقت من الزمن وعند رحيل عساف الى الرياض أستحثه بندر في أرسال الاخبار
العاجله عن ربعه وفي وقت قصير لكنه في نضر الشاعر بندر طويل أرسل الشاعر عساف هذه القصيده
ياراكب اللي مشيته تقطع اللال =سبق اللهبوب الى أشعفت في مخيله
يركب عليه الي تقد بالقذال =قرمٍ على قطع الفيافي دليله
يلفي بني عمي هل العز والطال =الاد مشيب كاسبين الجميله
رجالهم يسوا ثلاثين رجال =من غير أسب اهل الكرم والجميله
لكن ربعي كلهم عندي أبطال =والناس مثلي كل حالٍ تحيله
ابن معين الله يعينه من المال =ويزود في عمره ليالٍ طويله
مشاء معي فالطيب في كل الاحوال =في ماقفه ماهس مده طويله
وعبيد خصه يالمقهوي بفنجال =وثنه لبندر شوق ناقض جديله
شوق الهنوف اللي كما ضبي الاسهال =لحازه القناص زيد جفيله
وهل المراجل مثل رجلي وخيال =واحدٍ يفك البوش يوم الدبيله
وحدٍ يقصر مشيته صيفت الذال =دوبه يعيش نفيسته والحليله
وحدٍ كما سيل المناحي ليا سال =من كثر وبله ضاق بالماء مسيله
وهذا رد الشاعر بندر
وراك ياعساف ياطيب الفال =مارسلت دق علومكم والجليله
مارسلت لي بعلومكم دق وجلال =يوم أني أتنى خطكم وتعجيله
يوم أتحرى وأتململ تملمال =عسى يجي شخصٍ بخطك يشيله
عن ربعي اللي تسحق الهيل بدلال =وهروجها تبري الكبود العليله
من بعدهم حالي من البعد ينحال =وصابر على عجفى زماني وميله
ويالله ياللي لصعيبات حلال =مافيه غيرك واحدٍ نشتكيله
انت الخبيراللي عليمٍ بالحوال =ماغيرك أخبرلي نجاه وسيله
أشيل حملي ماحدٍ معي شيال =اقوم وقعدبه وحطه واشيله
يارب ساعدني على حمل الاثقال =لاتجعل الشده عليه طويله
وان كان عن ربعك تنصيني سوال =كلٍ مكانه والفرج يحتريله
ابن معين القرم فالدار نزال =ياخذ ليال وداس راع الخميله
وعبيد هو مابين الاقفا والاقبال =الى أستكن اليوم بكره يجيله
ومحمد يخصك بالتحيه والأجلال =والضيف عنا فالبلد يرتكيله
السلام عليكم هذه(3) قصائد جديده للشاعربندربن تركي بن هليل الشيباني .
اولى هذه القصائد/ قصيده قالها الشاعرفي احداصدقاءه المقربين من قبيلة
مطير(معجب المطيري)عندما انقطع عنه فتره من الزمن
يقول فيها
ياعلي شوف الباب ماجا مسايير=ابطو علينا ياعلي وش بلاهم
ياعلي اخاف انك حصل منك تقصير=تقصير سبب عنك قصرة خطاهم
ياعلي لاجوك الوجيه المسافير=اكثر هلا ياعلي واتبع رضاهم
كثرهلا ياعلي للي بهم خير=واقض لهم الحاجه وسر في هواهم
ثم قال علي الهرج جا فيه تكثير=وانا على نهجك وشفق(ن) علاهم
لكن اصاحيبك نحو عنك لمطير=وانته مدوخني توجد تباهم
ادعي لهم ياجعلها لهم مسافير=ياابوي وانت شوف ناس(ن) كماهم
ثم قلت انا ياعلي عندي تدابير=ابتخذها ياعلي في حراهم
ان كان ابوغازي نصا ربعه مطير=ربعه ذراه اللي يذري ذراهم
ربعه مطير اللي تهد الطوابير=ماظنتي ياعلي يسلا بلاهم
لكن نرجو في الليالي المناحير=يجونا والا نسير علاهم
مرثيه /لشاعرنا بندر في صديقه ورفيق دربه
(
علي بن ملحاق بن قويسي المرشدي الشيباني) الله يرحمه
ومناسبتها ان علي وهو يسكن في الامارات كان كل ماقدم للسعوديه
ينصا شاعرنا ابتداء"وفي العام1408هـ وفي آخر زياره شاء القدر ان تكون
وفاته بين يدي شاعرنا فانشد هذه الابيات
ياعلي وين اللي الى جا تنصاك=هوايته ماجا لقضيا لزومي
مامرتن ياعلي مر وتعداك=يعلم غلاه ومايكن معلومي
راحت به الدنيا وقفا وخلاك=ارتاح وانت اللي تقاس الهمومي
اللي على اسمه ياعلي جا مسماك=ياعلي قفا صدق والاحلومي
انا بكيته كان ياعلي ماابكاك=والله لتبكي لوتعرف العلومي
اعز صاحب ياعلي من دناياك=شهم وكريم وللقرايب رحومي
ياعلي من بعده بيحمل خطاياك؟=ويشد عضدك يوم تزري تقومي؟
ياعلي من جا بعدموته وعزاك=وقالك دنيا نافده ماتدومي
قله صحيح ولاحصل عندي اشراك=لكن ابا ابكي لين اغرق هدومي
ياعاذلي لاتعذل القلب يعصاك=خله يبرد بالدموع السمومي
مالك ومالي طالبك واترجاك=خل الدموع تسيل والقلب يومي
اما ثالث هذه القصائد/خواطر للشاعروقد ذكرت مطلعها في موضوع سابق،، يقول فيها
القلب تاجر والبضاعه تفاكير=دايم يفكر في الحياه ونكدها
الكل ياخذ في حياته مشاوير=احد زهق منها والآخر حمدها
و احد يقول ويمتني لو يجي طير=هذا هوا نفسه وغاية سعدها
و احد يحب الطلع يوم المخاضير=يوم الحرار يحين موعد هددها
و احد يحب الشر و احد يبا الخير=اشكال وانواع كثير عددها
و احد عزوم ويحتمل للمخاسير=و احد حقوق الله لغيره جحدها
ولا كلن ادرك ماتمنى المناعير=هذا يبي ينقض والآخر عقدها
اما مناسبة هذه القصيدة أن الشاعر بندر عزم أبو جمال وهو( حمد الفليو الشراري)
من كبار قبيلة الشرارات فرفض إلا أن تكون مجرد قهوة وحليب خلفات فبعدما حضر أبو جمال
إلى محل الشاعر استأذنه الشاعر بهذه القصيدة في ذبح الذبيحة لأنه سبق أن حلف عنها
وفعلا أذن له ابو جمال بعد قصيدة شاعرنا بندر بن تركي المرشدي
حنا نحشم الضيف حشمة بمقدار=ونجعله الواجب وهو بختيارة
مانستطيع نجيب مع شبة النار =والبن مايحلى بليا بهاره
وليا اختلط هيلن وبن ومسمار =جوف الدلال اللي بجال المنارة
لا بد مانروح بعد ريحه إقتار=يازين مابين النشما إقتاره
وحليب خلفات مقدر بمقدار=جاين كرم للجار من عند جاره
واليا اكتمل والهرج مابينا دار=سوالف مابين جد وعياره
بوجود منهو للجزيلات يختار =متمكن بين الرجال بجداره
أبو جمال اللي يريعله الشار=كم واحد يمشي على ضوء شاره
مقدم شرارات لهم في العرب كار =ودايم يقدم في القبايل خياره
وأنا معرفه بس شايع بالأذكار=والرجل تنبي عن فعوله خباره
مرت به الدنيا على الربع مرَار=للي سبق عاشوا معه في دياره
وأبى أطلبه وأطلب من الربع الأخيار=انه يرخص لي ويلغي قراره
وهذاه مطلوبي وكل الذي صار =وأنا مجهز وأنتظر للإشارة
وهذه قصيده أخرى لشاعر بندر بن تركي بن هليل أرسلها الى
أبن عمه مسلط بن مسيلط بن هليل رحمه الله في جيزان
خط لفاني زاد قلبي جناني =ونا مكاني جايني من عطانيه
بعد قريته في محله طويته= وقول ليته ياعرب جاب راعيه
وارسلتلي مرسول في ضرف مشيول= أقول ليته ياصله لين يلفيه
خط نصا جيزان ينشد وعجلان= ينصا من العربان من ينوثق فيه
خط شريفي من ضمير حسيفي= دايم يهيفي كل رجمن يعديه
قلبي من الافراق معاد يطاق= يومي كما المسباق والهم طاويه
بعد ربوعي كيف أذوق الهجوعي= قلبي يزوعي مير الاضلاع ترخيه
أهل المباني كاملين المعاني= من زارهم عاني يحصل مناويه
يضيق بالي فوق صبح الدلالي= النقص في حالي ولو جيت أبكنيه
وأرجي ردوده في ليال معدوده= قلبي يزوده يوم يسمع بطاريه
وهذا رد الشاعر مسلط بن مسيلط رحمة الله
خطن لقيته في البريد وقريته =عرفت بيته يوم بانت معانيه
شقوا زروفه وضهرولي حروفه =وأفرح بشوفه مير ماني بقاريه
ياجعل مابك باس خطك على الراس=ذكرني الهوجاس والقلب ناسيه
طرا علي أفكار والقلب محتار=كنه بشعلت نار والبعد حاديه
خلك على معناك وافكر بدنياك=قد جى العرب ما جاك محدن تخليه
غبر الليالي تدرج بالمحالي =كم راح من غالي وكم دار تخليه
بللغ سلامي للربوع اللحشامي =القلب ضامي والخبر منك يسقيه
أهل الفعايل كاسبين الجمايل =لطامت العايل ليأخط مواطيه
وأرجي الردايد في الليال الجدايد=ماهوب كايد بين مرسل وداعيه
وهذه مرثيه قالها الشاعر بندر بن تركي بن هليل في محسن بن سعيد الشيباني
لي صاحب ما ضنتي ياعلي بنساه =تداهمني العبرات لارحت ابي بيته
تداهمني العبرات لامرروا طرياه =وله لاهب باقصا المعاليق حسيته
فقيده على ربعه وبيته ومن ينصاه =يفرج همومك لاتعنيت ثم جيته
بعد راح ماجد واحدٍ صيفته وحلاه =وعلى شان ذلك صافي الدمع هليته
وقالو علامه ليش يبكي وش ابكاه =علامه تزايد كل ساعه تناهيته
وانا ابكي على اللي ودع الدار ثم خلاه =انا ابكي ومن جاني من الناس بكيته
ابوشاكر اللي لاوصل كل علم اقصاه =يفرج كروب اللي تنصاه في بيته
ابو شاكر اللي حرق القلب من فرقاه =علومي الاصعبة عليه تمنيته
تركله فراغ ماحدٍ ياعلي يملاه =ولاشوف له صوره ولا صوته اوحيته
وانا ارجى من الله يصلح اللي بقوا وراه =لسد الفراغ اللي بعد راح حسيته
عيالٍ على دربه ويمشون في ممشاه =وله صيت لن جادوا بقى بالدهر صيته
عسى جنة الفردوس محسن تجي مثواه =ولعله من أهل الخير ياعلي ياليته
هذه القصيده قالها الشاعر بندر بن تركي بن هليل رد على
رسالتن وصلته من سمي له عاتب من الدنيا يقول فيها
نقدر القيفان ياعلي تقدير=من واحد (ن) جتنى عزيز (ن) جنابه
جتنى أنتقاداته تدافع طوابير=وحنى نقول اهلا ويامرحبابه
رجل (ن) عزيز ومن رجال (ن) مناعير=خلاه هذا الوقت يفقد صوابه
وقت تقدم فيه بعض المواخير=وشبعت حصانيته وجاعت ذيابه
وأنا بعد مثلك وادير التفاكير=احدن رقد واحدن بليله سرابه
اللي سراء تصبح حياته تسافير=واللي رقد ياعلي ضاع الدواء به
يابندر افهم مايبى الوقت تفسير=كل(ن)يعشي حيث تمسي ركابه
تاخذ هواك ألا أن جا منك تقصير=من خنذف انته كنت ولا شبابه
الناس ماتنظر لبو زيد والزير=تنظر لمن نال العلا في شبابه
خلك حكيم وطور الفكر تطوير=وساير زمانك ضمن حين مشابه
البدو يابندر ليال المخاضير=مايرتعون ألا بدرب السحابه
تلقا بيوت البدو فيها دواوير=ومشروبهم رسن عذين شرابه
ماهوب وقتن راح ذا وقتنا غير=لازم على قد السوال الاجابه
وقت (ن) مضى نرتع جنوب من النير=صوب العلم ننزل علاوي شعابه
بيوتنا مثل الهضاب المزابير=مدهال للاقصين هم والقرابه
نيرانهم في الليل مثل الفنانير=يفرحبها الطرقي ويضحك بنابه
يلقا دلال هيلها فيه تكثير=وأشناق حيل وبيت ماصك بابه
ذوي هليل مكرمين الخطاطير=ريف الضعيف والمكابر عذابه
ذولاك عماني وابوي المشاهير=اللي لهم بين القبايل مهابه
اللي لي جات المحاضر جزازير=فعولهم عند الملاقا تشابه
اثارهم جاله على النفس تاثير=ليته بعدهم جاه سيل غدابه
ونصبر على ضيم الليال المدابير=والصابرين الهم على الله مثابه
من قصائد النصح لشاعر بندر بن تركي
اللي لحومه تدخله في المتاهات=احسن يقال انه بليا لحومي
وكل(ن)لابد انه يجي منه هفوات=لكن من بعد التعثر يقومي
ويقاله بعد التعثر سلامات=ومن بعدها عن كل عثره يشومي
يشوم عن درب الخطر والمذلات=ويقضي على نمات بعض الرخومي
اللي تقطع وقتها في النمامات=دايم السانه في النمامات يومي
شغال يجمع بين الاحيا والاموات=مايستحي والذوق منه معدومي
نصيحه مني لبعض القرابات=اللي لهم جعل المعزه تدومي
مابغى يبين الهم للانذال عورات=لوكان اغطيها بضافي هدومي
هذه قصيده يحكي فيها الشاعر بندر بن تركي بن هليل عن ذاته
أهين انا نفسي على شان صاحبي=انهان من شانه مابيه يهان
أصبر على مابي على شان خاطره=وان قيل ماذا قلت انا الغلطان
وان اطلعت ابشي من غراته=ما بين الهفوات للعدوان
هذه عيوبي كان هي تعيبني=و فيه عيوب غيرها ماتبان
ان كان جا يشكي على احواله=اوازره لو كان انا تعبان
ما يكتشف مني ردات احوالي=لو كان انا واطيني الزمان
و يشهد علي ماقول معظم ربعي=ويشهد لي المحتاج و الفقران
وهذه صفاة من و هائب ربي=اللي منحنيها عظيم الشان
ويوجد وصايف مثلها في غيري =و ياكثر ما يوجد من القشران
تفكروا ياناس في خلق الله=فيهم صحيح وفيهم العطبان
و يالله يامعبود تغفر ذنوبي =انت محل العفو و الغفران
هذه القصيده موجهه لخواله السمره ونهار المذكور هو نهار بن محيا بن سمير المشهور
في عصره وهوى خال الشاعروهليل المذكور هو جد الشاعرهليل بن غلاب المرشدي
المشهور بمواقفه البطوليه مع ذوي عبدالله الشيابين ضد اضدادهم
لومي عليكم يالرجال العزيزين=منكم علوم جاتني واذهلتني
قالوتقسمتوا ورحتو فريقين=من مثلكم ياليت ماكان جتني
وانتم الى راحوا منول حفيفين =الكم مواقف ثابته معجبتني
تذكروا فعل الرجال القدبمين=وقفاتهم مع بعضهم هيضتني
وانابناخيكم على العسروالين=واتبع رضا من بالبراير غذتني
ماانسى خوالي كان به ناس ناسين=مادام راسي ثابت فوق متني
خالي نهارمن الرجال العظيمين =له شهرتن بين العرب شرفتني
وجدي هليل من فروع الشيابين =له سطوة من عظمها حيرتني
من عظمها تخضع رقاب الشجيعين= وانا لها كان البلاوي بلتني
واليوم في حكم السعود متعافين =تعطيك حقك يوم حقي عطتني
وان كان تبغى خشرهم مستعدين =لاجتني اخبار المساوى افرحتني
وان كان بين هاضمن حقه حسين =ويقول الي عنده حقوق غبنتني
يروح لكبار البخوت الرباعين =ويقول هذى فعلته وازعلتني
حتى يقال لمخطي الدرب مخطين=وتنهى مشاكل بينكم عقدتني
انتم خوالي دون الادنى والاقصين=وكثر المشاكل بينكم جرحتني
وفي شونكم لاتسمعون السفاهين=اللي تفرق بينكم كل حتني
مال الردى بين الرفاقة براهين=كثر التجارب في الزمن علمتني
وهذي قصيدتان متبادلتان بين الشاعرين بندر بن تركي هليل المرشدي
وعبيدان ابن ثامر ابن مبيريك الشيباني يقول عبيدان
يابندرارواحك نغير من الضيق = نويق رجمٍ معتلي فوج غازي
ونشوف دارٍ يم هاك الطواريق = اخير من دار سكنهااحجازي
ثم قال بندر روح اناماني مويق = ماني بمثلك ياعبيدان قازي
هذه الابيات الثلاثه حركة شجون بندر ورد عليه قائلا
انالمبداء الرجم في العصرماطيق =ماطيق ياعبيدان مبداء النوازي
وشلك ومبداء النايفات الشواهيق=تجرح وفي قلبك يصير احتزازي
ويكفخ كماطيريتل المسابيق =شاف الحباري في البطين متوازي
وإلي طرى(ن)لك لابسات العشاريق=اللي يشوفن الغيا في القزازي
وش لون تدله عن هوىالبيض وتليق =والله ليحصل في الضميرا هتزازي
وهذامنعني معك في الرجم لاويق =لوكا ن لك مبداه في العصر جازي
لكن سافرجعلها لك توافيق =وأنحر شبيه اللي من الريح حازي
واركب على اللي كنهن الزواريق =اللي تخابر في السماء بالجهازي]
الشاعربندربن تركي يلخص لنا تجارب الحياة في ثلاث مراحل عمريه
يتوجب على القاريء أن يتمعن فيها ويرمقها بعين
البصيره ليخرج برؤية واضحه ونظرة للامور
ثاقبة تعينه على تدارك عمره وتدقيق حساباته ولملمة ماتبعثر من اوراقه ليجمع شتات
العمر ويجهزراحلة الحياة بكل زاد يوصلها لمبتغاها بأيسر الطرق،وأسلم الدروب
ويمهد لها تضاريس الدنيا،ويصل في النهايه الى حيث لاندامة،ولاملامة
حين يسأل يوم القيامه عن عمره فيما أضاعه فيلقى هناك الكرامه..
والآن إليكم قصيدة المراحل
أنا أبنذر اللي تجهله سيرة الأيام=عساه يتسمع فِيِِ حتى يسايرها
حياته مراحل كان عمَر وعمره دام=ثلاث المراحل واسمعوا يوم أفسرها
أول مرحله طفره مع الوقت ما ينلام =يروح ويجي دنياه يجهل سرايرها
إلى مابغى حاجه يجيبونها الخدام =جميع النواقص شايبه له يحضرها
وإلى قيل شد الحيل درب العلا قدام =الأيام تمضي ماأنت قادر توخرها
تبسم وقال أرفق تراني لحم وعظام =ترين العلوم صغار وأنته تكبرها
أنا كيف أجي وأروح وأدرس وكيف أنام =ومشاغل خفيه كيف للناس أظهرها
وثاني مرحله في العمر تنتابه الأوهام =ويطري عليه علوم ماكان فاكرها
يبا مير فات الوقت ما ينفع الكلام =وقام يتندم من فعول تذكرها
رجع يدرس اللي فات ويقول ياحرام =سنين مضت مرتاح تعبني آخرها
ياليت الليالي تعود والعمر عشرأعوام =علشان أفكر في حياتي وأطورها
وأنا بعد هذا الوقت وقَعَت بالأبهام =لمن ينصح الجهال لاشاف مظهرها
وثالث مرحله للعمر مرتع مرض وأسقام =سببها علوم عزة النفس تقهرها
يريد ويريد ولاحصل مايريد وقام =يبا عند بعض الناس يحكي ويشهرها
وحداه الحيا لايظهر الضيم لو ينضام =يخاف ظرَوي بين الأنذال ينشرها
وصبر مايعلم ألا الولي ربه العلام =وقام يتذكر سيرته ويتدبرها
يغيب ويجي بالفكر يسرح مع الأحلام =مشاكل حياته بالخيال يتصورها
يشوف الجفا في الوقت دايم على الدوام =وتالي حياته ضيم الأيام بعثرها
وبقى ينظر أهل الخير زلت به الأقدام =خسر في الشباب وباقي الأيام يخسرها
حتى راح حاله بس باقي جَلد وعظام =ثمار السنين اللي لعبها وغادرها
صور للمراحل وأفكروا ياأمة الإسلام =عسى غافل يصحى ويدرا مخاطرها
يسير بطريق النور ما يتبع الظلام =على شان تالي أيام عمره ينورها
نصيحة مجرب في الدهر سابحٍ عوَام =يعرف الدروب وفاهم في معابرها
ضحك ثم بكى وأفطر وبعض الليالي صام =عبر بعض شي وبعض عجزان يعبرها
وسلامي عليكم فآخر القول والسلام =وعليكم شفوق ودمعتي فوق ناظرها
خواطر لشاعر بندر بن تركي بن هليل الشيباني
قالوا علامك شكلك اليوم زعلان=منك فقدنا الضحكه العايديه
يابوعلي نبغا الخبر منك وش كان=وان كان منا الضيق حقك عليه
ثم قلت انا افكر بدورات الازمان=وقت(ن)خوي الجنب يترك خويه
سنين مضت وانتم بهالبيت ورعان=غذيتكم باللي تحوشه يديه
الى مرضتوا قمت لوكان تعبان=بعد الطبيب اروح للصيدليه
ابغا ليا قمتوا وانا صرت عجزان=تكفونني كل العلوم القويه
واليوم افكر جعل ماني بخسران=تكفون يالاولاد ردو عليه
وهذه من نصائح الشاعر وشفقته على الشباب
ياعيال لاتعطون درب الجهاله=حيث الجهاله دربها غير مامون
كم جاهل يندب وينتف سباله=يبكي على مافات والاهل يبكون
نادم على سيات ماضي فعاله=كنه صحى من بعد ماصار مجنون
فات الزمن والوقت ماشي ناله=كنه عن الطالات فالحبس مسجون
من الندم تصفق يمينه شماله=مايستطيع مساير الوقت مغبون
عن هومت الطولات تقصر حباله=لو هو بغا يحتال مافي يده لون
وهذا مصير اهل الجهل والرذاله=عند اخر المشوار مايستطيعون
ماينفعه لوصاح عمه وخاله=حتى اخوته وبوه منه يتبرون
لو سال ماواحد يجاوب سواله=واهل النمايم في مسيره ينمون
ويصير مافال الاجاويد فاله=يتيه من جملت ضعوف(ن) يتيهون
نصيحتن من واحد راس ماله=وهوايته لاجو لمكه يلبون
في طاعت اللي وامرن بالعداله=اللي لعفوه كل الامات يرجون
في موقف(ن)لاظل الاظلاله=يوم الاقارب من بعضهم يفرون
وتكبر على الوالد خسارت عياله=لاصار عن درب الرجاله يتيعون
يمشون في ديره ويمشي لحاله=عنهم ماهو راضي ولا عنه يرضون
وصلوا على المعصوم راع الرساله=عداد مال البيت ناس يحجون
قصيده بعنوان المرجله للشاعر بندر تركي هليل الشيباني
النهر لولا الرافد اللي يغذيه=لابد له ياسعود مايضمحلي
والرجل وإن جازت لربعه شواريه=يبقى كما الحيد الطويل المطلي
يسعد عيون اللي يحبه ويغليه=والخصم كنه فالوقايد يملي
اهجوس قلبي يالبناخي وطاريه=ترهج عليه لين تبحث خفى(ن)لي
تقول عط هذا وهذا تخليه!=تأمر وتنهى!ويش ابعطي واخلي؟
والبيت الأول واضحات(ن)معانيه=دور بديل(ن)في محله يحلي
دور بديل(ن)ماتعثر مجاريه=يجوز لك وأنابعد جايز(ن)لي
كلام من قلب(ن)همومه تقزيه=من واهج التفكير عيا يملي
عيا يمل ويعلم الله مشاكيه=الله يثيب اللي لوضعه يحلي
الجادل اللي جايز(ن)لي تخطيه=اللي كلامه يالبناخي يسلي
ولعه لشغموم(ن)عزومه تهقويه=وهو معود بالدلع والتغلي
ويوجد ثلاث دروب يمه توديه=ونبغى الطريق المستقيم المحلي
نضمن به الجادل ونأمن بلاويه=واللي تمنيته عساه يحصلي
الشاعر بندر بن تركي بن هليل يستعرض مع ابنه مشاكل الحياه
ياعلى لاتجهل على الربع الادنين=ربعك الى جا الحمل فوقه اوساقه
أرفق عليهم ياعلي كان مخطين=لاتتخذ معهم طريق الحماقه
ثم قال علي الربع فيهم شياطين=يسعون بالنمات بين الرفاقه
نوب على الفطره ونوب مجانين=ماتنضبط معهم يابوي العلاقه
ثم قلت دام الربع ياعلي نوعين=أصبر ما دام ان الك بالصبر طاقه
اصبر على شان الرجال العزيزين=اللي مقابلهم لمثلك شفاقه
كلامهم كنه يجي بالموازين=مثل العسل ياعلي حلو مذاقه
ثم قال كيف أصبر لبعض المصاخين=اللي على قلبي تبين ارواقه
ماتحتمل هرجه كبود البعارين=عاله على ربعه وقطاع ساقه
ثم قلت شكله في القبايل كثيرين=اللي يعشقون المشاكل اعشاقه
ودنيا الفناء ماهم عليها مقيمين=أصبر عسى ربك يحقق أفراقه
وتسلم منه ونت وربعك على زين=وتسلم من الشرهات بأسباب عاقه
الرجل ربعه منه ماتسمع الشين=من شان تنمو في الجميع الصداقه
ارفع نضرك عن الضعوف المساكين=اللي تعلم في بعضها الحلاقه
وحنا على جمع الرفاقه حريصين=ويفرح بنا اللي صوبنا الدهر ساقه
حنا على نهج الجدود القديمين=اللي تناصر من تخبث وفاقه
اللي لهم موقف مع العسر واللين=ماعكروا ياعلي صفو الرفاقه
دائم على حل القضايا جديرين=وراع النفاق أنخالفه في نفاقه
ومنزالنا بافرع فروع الشيابين=ودايم على الطالات فينا انطلاقه
ولايستوي قولا بليا براهين=ابن ابليهد جابنا في سياقه
سجل لنا تاريخ بين الدواوين= لأنا فتحنا يمة المجد طاقه
هليل رساء بين الرجال العضيمين=هليل ولد غلاب جاله أشراقه
وحنا على دربه للامجاد باقين=ونحلم على الجاهل ونرفاء بواقه
لسنا على جهال الاقراب عجلين=نرفق عليه وناخذه بالرفاقه
حيث ان كل الربع ياعلي غالين=لو كان جافي البعض منهم نزاقه
ربعٍ على ماراح منهم حزينين=ونصبر على جور الزمن وصطفاقه
نضحك قليل ومعضم الوقت باكين=للي قدم واللي مؤكد لحاقه
وان جالنا مطلب على الناس الاقصين=مع خصمنا تمشي الأمور ابرواقه
الا إلى صاروا علينا عنيدين=نبت في الموضوع لو باحتراقه
وصلاة ربي عد من جو ملبين=على الرسول اللي تمطى براقه
هذه القصيده قالها الشاعربندر بن تركي بن هليل الشيباني
بمناسبة شفاء الشيخ فيحان بن هذال بعد عمليه اجرية له في القلب
نبعث تهانينا الى الشيخ فيحان=من بعد مازال المرض من عروقه
نيابه عن ربعي الادشيبان=اللي كريم النفس توفي حقوقه
اميرنا اليومه وفي ماض الازمان=ساس الاماره ثابته في عموقه
حفيد شيخ(ن)يوم روغات الاذهان=يفوق في الميدان محد(ن)يفوقه
هذال اخو هملا يروي شبا الزان=له بارق(ن)في كل ديره يسوقه
يوم القبايل تصطفق مالها اوطان=تمشي ورى مزن(ن)تلاعج ابروقه
نوب(ن)ينصيها الى دار قحطان=يرعا الخطر مافيه شي(ن)يعوقه
ونوب(ن)ديار امطير وجموع دوشان=برقا معه ويضا معه جمع روقه
واليوم ابو نواف يمشي بثبتان=يكفخ كما حر(ن)طوال(ن)سبوقه
وحنا معه دايم على الحق عوان=مافيه سوق(ن)عندنا غير سوقه
في راي عبدالله وتحت امر سلمان=ذخر الملوك اللي علينا شفوقه
وصلات ربي عد ماكاين(ن) كان=على نبي(ن)ذوقنا تبع ذوقه
كتب القصيده الشاعر بندر بن تركي بن هليل الشيباني
ردا على قصيدة (يابوي)للشاعر السامر
قالوا علامك ساهر تالي الليل=ساري بك الهاجوس والاتسلي
إشرح ظروفك ضيم والاتعاليل=يأبو علي عن بلغة العلم قلي
قلت إنشد السامر وتلقى الدواليل=وش شاف يومه بالعيون متحلي
إنظام من شوفه وأناإنظمت بالحيل=وقامت دموعي فوق خدي تهلي
أكفها وهي تسابق هماليل=وأثر المظام من البكا مايملي
من شان شيخ(ن)للنشامى مداهيل=من ضامته دنياه جاه متدلي
سعود شيال الحمول المثاقيل=يشلها لاوقفت ماتشلي
وانا اشهد انه صادق القول لاقيل=(يحل عقدة واحد(ن)ماتحلي
اما قصيدته هاذي فهي نصح الى احد بنيخيه ويقول فيها
يا مرحبا بالقاف واللي مسويه = ترحيبا(ن)اكثرمن نفيض الجرادي
قاف(ن)شكى من ضيم الايام راعيه =يقول هم الوقت شربي وزادي
والوقت اله دورات ياجاهل فيه = مثل فصول القيض حر و برادي
وقت(ن)تجدد كل ساعه بلاويه = يظهرمشاكل كل يوم(ن)جدادي
وأنصحك ياماجد بشي(ن)تسويه =واذافعلته طبت حسب اعتقادي
صوم رمضان وكل وقت(ن)تصليه =في طاعة المعبود رب العبادي
والى قضيت الفرض ربك تناجيه = يازين تال الليل رفع الايادي
تطلب منه واللى طلب منه يعطيه = ويحطله من كل ضيق(ن)منادي
يصير عون اله ويسمع مشاكيه = وياقف معه في المعضلات الشدادي
هذه نصائح خال يغلي بناخيه = ويحرصه في الجد والاجتهادي
وانصحك تباع الردى لاتماشيه = يوقعك في المحضور شيئا وكادي
ماينتهض رجل(ن)تقوده مشاهيه = ولايفتهم من ضاق لاقلت غادي
الرجل اله عين وقلب(ن)يقديه = والنفس جاهدهاشديد الجهادي
امسك كلام اللي زمانه مخليه = امقيد(ن)رجله بليا قيادي
ولاطاوع النفس الرديه توديه = للتهلكه وبربنا الاعتمادي
والعبد ماصابه من الله راضيه = يرضخ لحكم الله بصبر وجلادي
يصبربحكم الله ويرضخ الواليه = والعمرماقافيه غيرالنفادي
والرجل يازن في مسيره مواطيه = ويصير في بعض المواقف احيادي
والوالدين الهم نصيب يوديه = تقوم به لوحال دونه حوادي
حق(ن)لهم رب السماوات مبديه = قم به الى خلاه خطو الربادي
وصلو عدد مزنن بدى من مناشيه=على محمد قبل حادي وبادي
اما قصيدة شاعرنا هاذي هي عباره عن رائه
في الشعر في مجلة اليمامة عام 1409هـ
اهدى التحية لليمامة=عبر الرسائل في البريد
وابدي لها الاعجاب مني=واقول انا منها سعيد
انا مجدد في النبط=امشي على النهج الجديد
امشي معة لانة معي=واخاطب الماضي البعيد
اخاطبه لانة مضالي=واخذ من امجاده واعيد
اخذ من امجاده نوادر=وامزج من الحاضر وازيد
والشعر توجده الظروف=لو كانت ابوابة حديد
ولا حد يجيده كون شاعر=بظروف واحساس شديد
هاذي شروطه لاكتماله=حتى لمستمعه يفيد
والى اكتمل وزن ومعنا=كل يسمي مايريد
كلمة قديمة ماتهمه=ولا همتة كلمة جديد
هذاه راي في النبط=راي وانا ماعنه احيد
واللي يخالفني براية=يجيب برهان اكيد
يرسل برايه للمجلة=عسى يجي رايه سديد
وانا ماقول الشعر منهج=يمشي على الخط الوحيد
اقول كل له اسلوبه=يجيد والاما يجيد
احد على بحر الهواي=واحدعلى صخر الجليد
وانا ترى ماسب احد=من كل شاعر نستفيد
وولبحــــث جزئيه اخرىآ
بحث واعداد
عبـــــــاس مشعل الشيبــــــــاني