الهيـــــــــــــلا *** منتدى قبيلة عتيبة - عرض مشاركة واحدة - حفل زواج منصور وغازي ابناء ناصر مرداس المقاطي

طلال ولد الهيلا · 17-Sep-2011, 02:40 AM

CENTER][=Simplified Arabic]بسم الله الرحمن الرحيم[/FONT]
اقام الشيخ ناصر مرداس المقاطي حفل زفاف ابنيه منصور وغازي
وذلك يوم الخميس الموافق 10 / 10 / 1432هـ بالقصر الذهبي بمدينة الرياض
والذي حضره عدد من الاقارب والزملاء ومنهم شاعرنا الذي قدم الحفل وبرفقته اخيه الشاعر محمد الختلان
كانت هناك أمسية شعرية جمعت شاعرنا والشاعر ماجد هلال الشيباني والشاعر سعد مطلق المقاطي والشاعر هضيبان ابراهيم المقاطي
وكانت بدايت الامسية مع الشاعر هضيبان المقاطي والتي بدائها بقصيده ترحيبية

باسمكم يا ذخر جدي هل الفعل الجزيل FONT
مرحبا من بعد جالي على المنبر مجال
مرحبا باللي حضر عد همال المخيل
ليلةٍ فيها حضرتوا من خيار الليال
للضيوف الطيب ينساق والكيف الاصيل
والقبال اللي يسابق فناجيل الدلال
في محلٍ يدهلونه مزبنة الدخيل
بالكرم معمور من عند وافين الخصال
هم عيال العود مرداس كساب الجميل
النعم ناله بفعله وورث له عيال
ياعساه بجنة الخلد يطعم سلسبيل
والبقاء بعياله اللي مكاسبهم جزال
طبعهم من سالف أجددهم جيلٍ لجيل
ما تغير عبر ماض السنين ولا يزال
ربعنا ودروعنا لا حصل فالوقت ميل
عزنا من عزهم دون شك ولا جدال
جمعنا مع جمعهم لا حضر وزنه ثقيل
للعلوم الكايده نرتكي مثل الجبال
بيننا في صفنا ما دخل نذل وذليل
والردي لو حاول يطول من تحت الطوال
هكذا ربعي على العز جمعاهم تهيل
كل من حاول يعقد طويلات الحبال
المحبة والتواصل سلومٍ ما تزيل
والتعاون طبعنا وأشهد أنه رأس مال
بعد هذا واسمحوا يا هل الفعل النبيل
يارجالٍ جيتوا حضور في حفل الرجال
باسمكم مبروك ما لاح برق وسال سيل
ياعسى مبروك للي لهم قدر وجلال
بارك الله عرسهم مثل ما جاء فالدليل
وجعلها بوجيههم طيب حظ وطيب فال
قلتها من هاجسٍ ما يعرف المستحيل
لا بدأ اللازم يعانق مطاليع الهلال

ومن ثم انتقال الكام لشاعر/سعد مطلق المقاطي وكانت قصيدة ترحيبة ايضا
يالله ياللي تلحف الأرض بلحاف @@ وقت الربيع ويعجب الناظريني
تطلع بذور الأرض من كل الأصناف @@ وتدير كل الكون في كل حيني
إنك تثبتنا على نهج الأسلاف@@ صفوة الأمة قدوة المتقيني
وخلاف هذا وقفة الرجال تنشاف@ ندحم ولا نخشى بجنب متيني
أبشر يا أبو محمد ولا أني بزهاف @@ قدر الوفي من فوق راسي وعيني
يا هاجسي مالك عن الطيب محراف@@ طبعك وطبع أجدادك الأوليني
لكن شد الحيل واتعب على القاف@@ الوقت ضيق والمعاني تجيني
ما ني بلا مطلق ولا ني بصياف @@ لكن بأمر الله نجيد السميني
قول عليه إثبات والراي عساف @@ إن صخر القاسي حتى يليني
ولا نعرض الجزله على غير عراف @@ تعرض على اللي يعرفون الثميني
في حفل اذي مرداس ما عندي اهداف @@ إلا المعزة لأجل دنيا وديني
أحفاد عود في المواقيف ما خاف @@ مرداس ولد حنيف ذرب اليميني
قد بان يوم إن الخصم يرجف رجاف @@ يشهد على ما أقول ماضي السنيني
ويشهد إله برزان ما عندي إجحاف@@ صغير سن ورد الصامليني
يرهي على الساطي ولا ينكف ان كاف @@ الله يغفر له مع الصالحيني
لا مات من خلف ولا يلحقه إخلاف @@ اللي على نهجه من الطيبيني
واللي بعد مبروك من صدق و إنصاف @@ مبروك ثم مبروك لكل الثنيني
وبسم القبيله كلها رأس وأطراف @@ يا مرحبا بضيوفنا الحاضريني
يا مرحبا وأعداد من زار واطاف @@ على المشاعر كلها والقريني
حي الله الضيفان يوم الفرح ضاف @@ على وجوه ضيوفنا الغانميني

وإليكم صور الحفل والأمسية الشعرية والدرع التذكاري لشاعرنا