مشكور يافهد على الموضوع
والشاعر موهق بن عجاج علم من اعلام عتيبه
ويكفيه فخر قصيدته المشهوره عندما القا احد وزراء المملكه في ذلك الوقت الوزير عباس الغزاوي ( وزير الماليه) وهو من اهالي مكه قصيده امام الملك فيصل بن عبدالعزيز فكانت بالفصحا فضحك منها الملك فيصل ونظر لموهق بن عجاج الذي رد مرتجلااا
اسمع كلام ابن عجاج الروقي = ماهو كلام البومه الغزاوي
ليا قالـّه قصيدة ٍ ملويـّه = يقول نحويه من النحاوي
حكامنـا يعطون هنّ ومثله = ومعروفهم يقصر عن العطاوي
ومحمد سرور يقلطونه على الشحم = ياكل عصوب الشاه والكلاوي
ماقد قطع له فرجة ٍ مهيوبه = ماغير من جروى ليا الملاوي
( جروى والملاوي) هما من احيا مكه ويقصد الشاعر ان الوزير عباس لم يقطع الفرجه مثله ولكن حده جروى والملاوي وكانت هذه القصيده بعد عودت موهق من مصر والشام وكان يلوم الملك فيصل لانه لم يهتم به وهو واضح في البيت (( حكامنا يعطون هن ومثله /// ومعروفهم يقصر عن العطاوي ))
ومحمد سرور صبّان هو احد الوزراء فالدوله ومن المقربين للملك فيصل
وله ايضا القصيده المشهوره اللتي نسبت لغيره مراراً ولكن تم تثبيتها اخيراا باسمه وهي القصيده التي مطلعها
عـديت في مرقـب ٍوالليل ممسيني = بديارغرب ٍ لعل السيل ماجاها
أضحك مع الليّ ضحك والهم طاويني = طيّة شنون الطلب وأن صربو ماها
وراك ما تزعجين الدمع يا عيني = على هنوف ٍ جـديـد اللبس يزهاها
يا جعل حجّارها يعطاعـمى العيني = ويضرب بشلـف ٍ جليل الفخـذ تشضاها
وجعله حقير وفقير وراكبه ديني = واتلا حلاله رحول ٍ راح يطلاها
هذا الذي استطعت جمعه عن الشاعر الفحل موهق بن عجاج
وتقبلوا تحياتي
آخر تعديل حاكم الغنامي يوم 30-Dec-2008 في 12:20 PM.