عرض مشاركة واحدة
غير مقروء 16-Jul-2008, 09:57 PM رقم المشاركة : 2
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
افتراضي

الشاعر الأمير محمد الأحمد السديري عندما يناجي بالشعر شاعراً آخر فلابد أن نجزم أنه لا يناجي الا شاعراً كبيراً له مكانته وقوته الشعرية وهذا ما نجده في معظم شعر السديري من خلال مراسلاته الشعرية التي تجذبنا ونتذوق الشعر من خلالها ولقد كان للأمير السديري قصائد عدة كأنواع من المساجلات ما بينه وبين عمير والتي لها الطابع الشعري الجذاب والمميز ومن هذه نورد من الابداع ما بين الشاعرين هذه المساجلة الشعرية التي ابتداها السديري بقوله





يا عمير كانك نايم فانهض الـراس=وان كان قاعد يابن الاجواد قم لـي
يا عمير انا اخترتك على جملة الناس=ابيك في بعض الأمور تحشـم لـي
اللي شربت بكأس حبه بـلا قيـاس=يا عمير جذ البعـد شملـه وشملـي
متى نشوفه عقب الاقفـا والايـاس=ومتى السعد عقب الفراق يخطملـي
ان غاب تهت بغبة مابهـا اونـاس=وابرى ليا شفته وعمره سلـم لـي
بكبر عناي ليا اسلمت عنه الارماس=ويضحك زماني وان مشى بالقدم لي
دايم يباريني مـن الـود هوجـاس=اما سرى مسـراي والا جهـم لـي
باب الموده لي ينـادي بالاجـراس=والحب عن كل الخلايق قسـم لـي
بالليل ياقف لي عن النـوم حـراس=وكثر الهموم الموجعـه ترتـدم لـي
ويهب لي من واعي الحب نسنـاس=من شاف حالي بالشتا ينهضـم لـي
وان قلت لي يا عمير لا باس لا باس=اقول أنـا ياعميـر ياثقـل حملـي
يا عمير قلبـي والمعاليـق يبـاس=قل للشريعه بالقصاص تحكـم لـي




ولقد كان للشاعر عمير بن زبن جواب ومناجاة للقصيدة التي وجه لها بمطلع صريح وكان رده جميلاً لا يأتي الا من شاعر له مكانته الشعرية المعروفة حيث قال:





حيّ الجواب اللي لفانـي بقرطـاس=خطّ جميل وكـل مـا فيـه جملـي
خط الأمير معرب الجـد والسـاس=اللي شكى ضيم الهموم وزهـم لـي
اهلا عدد رمل الزبايـر والاطعـاس=وما لاح برق من سحـاب يهملـي
جاني وقمت اضرب اخماس واسداس=بالفكر مامضمون خـط رسـم لـي
وبانت معاني خط ابو زيد لا بـاس=صابه مرض قلب من الـود مملـي
خلّى فواده تقـل يصلـي بمحمـاس=واصبح على ما قيل به بيت نملـي
والود اصاويبه ولا فيـه وسـواس=وفهمت مضمونه مثل ما فهـم لـي
وانا لما يأمر على العيـن والـراس=من شأنه اصبر للعتب واستحملـي
اقوم بالواجـب جمالـه ونومـاس=حق مثل ما شـال همـي وحملـي
الرفقه اللي مالهـا بالوفـا سـاس=وش ينبغي فيهـا لياخـاب الاملـي
لعـل دار بعّـدت عنـه الاونـاس=اوناس مضنونـه عساهـا تهملـي



هذا ماحاولت جمعه من قصائد للشاعر عمير بن زبن بن عمير البراق
ومن لديه إضافه للقصائد السالفه فليتكرم بتنزيلها ليكتمل
هذا الديوان ..
ولكم خالص الشكر والتقدير ..
...















التوقيع
اضغط على الصورة لرؤيتها بالحجم الطبيعي









للتواصل عبر twitter تويتر


al_bargawy@
رد مع اقتباس