سلامن أحلي من حليب المصاغير
للهيلا الوافين صفوة شبابه
ومن بعدها صبحكم الله بالخير
ياللابه الغالين ربعي عتابه
وتري عتيبه كل ابوها مناعير
وصغيرها شغموم وقت المجابه
قومن الي صفوا جموع وطواير
يشهد لها التاريخ واللي حكابه
تاقف مواقيف بها تقهر الغير
واللي يدور الحرب تدور حرابه
حرب العزيزة والقحاطين ومطير
من حربها راحوا عشاء للذيابة
واللي براسه للملاقا صعاطير
وقت الضحي تاخذه وكلن درابه
بزرق الرماح ومصقلاتن بواتير
وياحظ من فزعته ربعي عتابه
فيما مضي واللي يبونه يبا يصير
ولو تسال التاريخ واللي قرابه
انشد عن الانصر وعروة مع النير
تلقي الخبر والعلم وشي جرابه
واللي يجيب العلم وساق التباشير
عن روق وعن برقا صفوة شبابه
عز الخوي والضيف في وقت دهير
وللجار والعاني فعولن تشابه
يقدمون الحيل ومافيه تقصير
في وقتنا ووقت النبي والصحابه
ربعي هوازن ولو تدور الدواوير
تارد حياض الموت ولا تهابه
وصلاة ربي عد ما غرد الطير
علي النبي اللي خواله عتابه
ابو هوازن الأسعدي