حي اتصال جا قبل ليلة العيد=فزيت له مثل اشقر عند هده
تشر به الشاشه وتكتب لي الغيد=جاوب ترا صاير لها عنك مده
والقلب يشر بالفرح والتغاريد=وقدام تكتب رقمي القلب عده
وياونتي ونت يتيم بلا فيد=امه نهار العيد عنها ترده
اقفت بفستان الفرح والزغاريد=ودمعه من اوجانه حدر فوق خده
عيده حزين وعيد عمانه اسعيد=يوم اخذته قدامها بنت جده
ومدو صغار السن حلوى العناقيد=وهو جلس في جنب محد يمده
وميل على جنبه وتكا على الحيد=من الحزن والبعد مافيه شده
والا كما ونة مريض من القيد=دمعه تناثر فوق فرش المخده
بيبان حظي في طريقي مراصيد=لاجيت ابافتح باب ياسرع صده
وياسعود هذي حالتي في تناكيد=لو طاب جرح جروحنا مستجده