اليوم هذاغير عن باق الأيام
كن البلد مافيه مخلوق خاوي
والوقت لواني على الصبر عزام
ماعادلايرحم ولاعاد ياوي
وين انت ياللي مثل هبات الأنسام
وألا مثل غصنٍ على الجال راوي
يابهجة الخاطر ليا كان منضام
ماني على غيبتك لو يوم قاوي
ذي بهجةالدنيا عسى ايامها اعوام
هذا رجاي ان كانها بالرجاوي
احبها حسب تعاليم الاسلام
حبٍ مكلف فيه بأمرٍ سماوي
احبها نبع الوفاء رمز الاكرام
بوجودها عن كل شيٍ غناوي
تشبه لغيثٍ ترزم رعوده ارزام
لاساقه الله يم وادي سناوي
الجنة الجنة تحت ذيك الاقدام
افطن لها ياللي عن الدرب غاوي
ليت العمر يهدى لها بأمر علام
واهدي لها عمري بليا مناوي
تم الإرسال بواسطة iPhone بإستخدام Tapatalk