[]الشاعر المبدع/عبدالله ذيب السميري في صاحب السمو الامير عبدالعزيز بن سعود(السامر)
من يوم هبت هبوب النود عصريه=في راس رجم يسلي من يعديبه
هاضت هجوس الضمير وباح خافيه=بقاف تطيع اللسان حروف تركيبه
مثاليل من بحور الشعر منقيه=مثل الذهب يوم يصرف من دواليبه
عسفتها وطلعت ميه على ميه=ونقشتها بالقلم والحبر تمشيبه
سلام تسليم وافي كله تحيه=سلام وافي وكافي فايح طيبه
كل لجل امير شهرته حيه=الي مع الناس كاملة مواجيبه
ريف الهشالا ليامروه طرقيه=حر يجودالكرم والطيب من طيبه
قرم يمينه على المعروف مثنيه=من ماضي الوقت تنصا المجد وتجيبه
الصيت ذكره رفيع ونارهم حيه=قاسين راسين لاشك ولاريبه
يشهد لهم كل حي في السعووديه=تاريخهم تبطي الايام تحكيبه
يامير انا جيت الي مقصد والي نيه=داخلك وازبن عليك وربعي عتيبه
ابيك تنظر وتعطف كل مافيه=تنضر وتعطف لمن مايلك شي جيبه
واثني سلامي بتسليمه ورديه=عنوانها المسك والريحان تبديبه]