اول كلامـي طلبتي ذكــر الله = ماني عن الرب الكريـم غنـاوي
مانيب من يكـذب بقـول لسانـه = ولا نيب في عشق البني هـواوي
على طلال الصبح خلت مخايـل= وصلت سناويهـا الـى المطـاوي
أبروقها الهند ومصاقيل العجم = ورعوده البارود والعزاوي
تمطر بعطشـان المحبـب والقنـا = ولها بروس الطيب تعاوي
جانـا سعـود امسيـر بجـنـوده = معـه الدويـش ولمـة البـداوي
ثمانية الالـف اعـداد جموعهـم= بلوى كفانـا الله شـرة البـلاوي
وحنا ثمان أمايه اعـداد جموعنـا = لاش اجنبـي فينـا ولا برقـاوي
ألاد روق وعز منهم ربعه = ليا جا من الحكام رد براوي
نبه علينـا شيخنـا ابـن محمـد = ثم أنتهظ مثـل العقـاب النـاوي
عودٍ تعصب في ظهر جلومد = جلومدٍ مثل القظيب الهاوي
مترفعٍ عنها اللحم بعلوها = شعلاً شعاع أشعلتٍ شعلاوي
وصحنا علاهم ثم عاونا الله = ليننها راحت لنا مناوي
ارخيت فيهم حد كـل موصلـه = يضيع فيهـا طـب كـل مـداوي
وارخيت مذلـوق العرينـي فيهـم = ليـن ادبحـوا شرابـة القهـاوي
ومنعت سلطـان البعيـر بينهـم = وشيـوخ مـا ردولهـا نحـاوي
ياكن نطـل الزلـم عنـد انحورنـا= نطل الخشب فـي الوادى السنـاوي
وياكن شليل الخيـل لاجـا ربعنـا = مثل الجراد اللي يجـي متهـاوي
وياكن سربتهـم اليـا وجهنابهم = شـراد ريـم مـع حـمـاد داوي
وياكن سربتنا اليـا وجهونبا = أزمولن محملتٍ على الكراوي
تزبونـا عنـا قصـور بـريـده = لين احتماهم بيـرق القصمـاوي
البيضـا لله ثـم يمنـا سابـقـي = الي تنجيني مــن الاهــاوي
نطعن للعين اللي تهـل دموعهـا = تبكي وفي تالـي البكـا نخـاوي
تقـول يالصبيـان مـن عاداتكـم = هوشو عسى يبقـا لكـم شـلاوي
ونطعن لعين اللي تجر حنينها =عفراً تبا صيفية المطاوي
لا رحم ابو من صد عن محرافهـا = يوم أنجلاع الستر عن مضـاوي
يا مقنـد الفنجـال عده ألمـدوخ = وثنه لابـن صـلال والجـلاوي
طلحه نحو عنا ببريـه ايسارهـم= من بينهم دهم العـروق هـداوي
تطلعن يالبيـض فـي مركاضنـا = وصلت كسايرهم الـى الجـرداوي
والمدح يعود يـم نسـل محصـن = عسالهم عنـد الكريـم عـراوي
سواقت المغتـر علـى الحريبـه = يوم الحريب عن الحريب يـلاوي
وانا احمد الله يوم انا مـن لابـه = ماهـم قصـار اليديـن شـواوي
ياقردهم لولا اسمـر مـع خيلهـم = يهوي علينـا اهوايـة النـداوي
ياضفرهـم لا قـرب الله دارهـم = وحنـا عليهـم مثـل نجـم داوي
نطعن للعين الـي تجـر حنينهـا = وضحا تبـي صيفيـة المطـاوي
ترعا بنا علـط الرقـاب وتنثنـي = ما قلطت حسله الـى الحجنـاوي
وانا زبون الحرد ابو ضيـف الله = لا كلح الشارب عـن الشفـاوي
اغفر ذنوبـي يـا محـل ذنوبـي = ان كنت في باقي كلامـي غـاوي
وصلـو علـى نبيـنـا محـمـد = ما صاح في عالي الجذيب العاوي "
مشاري الحبري شكراً على طرحك لمثل هذا الموضوع
ولاكن أتعبتني معاك وأنا أعدل في ما تكتب .
لم أشارك كي أضيف على القصيده مانقص منها وهو كثير
وترتيب البيوت منه 60% غلط ولاكن لايهم أمهم شي صحتها وكمالها
لم أئتي به حتى أنا ولا كن شاركت لي أسئل سؤال
إلا متى نكتب ونتناول المواضيع ونسرع بالطرح والمشاركه ونحن لانعرف عنها شيً ؟
إذا أرت معرفت ماتجهل مع إحترامي لك أبحث عن شريط سعدون الهرس وستستفيد كثيراً
* ذيب عروا لا تفتي فيما لاتعرف .. الروقه 800 فقط على مسؤليتي (وبليس ملعون)
وقصيدة شليويح العطاوي خير شاهد على مانقول
ولن تجد أحد يحفظ ويروي هذه القصيد مثل الهرس ........
أنا حبيت أوضح فقط ولا أنا أعرفها منذو 15 سنه إذا أنت لم تعلم بها سوى اليوم .