الله علي اللي تو من مصنعه حط=في مينت الدمام فاول محطه
راعيه صاحب مال ماهو مفحط=ولاهو خساره مال من فيه حطه
الشاعر / محمد صالح العطاوي
ونعم بالاسم وراعي الاسم
وصح الله لسانك يالغالي
وانا ماعندي خلفيه بالمجاراة ، لكن اقبل هالابيات ، وانا والله توني اشوف هالموضوع
اسلتم ياخالي
إن كان فكسارٍ على جنبها خط=يبهر عيون الناس من زين خطه
موتر جديدٍ يطوي القاع والشط=جارا جبال طويق من هول نطه
راعيه ماجمع قروشه من القط=ولاهو سلف او دين ولا بقطه
ماشم شاكوش المحلات واعفط=ولاحس في طعجه ولاحس عفطه
جبار لاشاف المسافات يشتط=يشتط شكمانه حمر لون شطه
لامن وطا بنصه غدا صوته اشحط=عكر هدوء الكون من هول شحطه
كنه عيون البس ايمطها مط=لامط عين البس يازين مطه
ولامن غفا ساقه على بنصها غط=مالوم باله لو يفكر بغطه
إنتاج ياباني مهو صنعٍ اشعط=ماحس تفكير التصاميم شعطه
راعيه ماساوم طيوره مع البط=والطير مايشره على دمع بطه
ماهو خساره لو على خشمه انقط=قرشٍ ورى قرشٍ عليها يقطه
‘،
‘،