الصداقه مهي مثل السواليف
والسذاجه بها مثل اللقافه
بعض الأصحاب تقناه المعاريف
وبعض الأصحاب يامسرع معافه
وانت ياقلب ملتك الصواديف
اذكر لي اللي يشوف ولا احد شافه
البحر وش عليه من المجاديف
والسما وش عليه من الطخافه
ماتجي دايم الدنيا على الكيف
وش رصيدك بها غير النظافه
صابر وانت تلعب بالمهاريف
وساكت وانت تكره ما تعافه
يارفيق الضلوع ومرتع الضيف
نار بعض القصيد لبرد قافه
انت للروح ما دونك مواليف
ياحسافه على مثلك حسافه
للشاعر / ذعار بن محيا