الورقة 2
من دم جرحي شفني اكتب لك ابيات=ابشّـرك مافيـه للحـبـر داعــي
نزف الجروح اصبح بحجم المحيطات=يشيل اساطيـل الولـه والسواعـي
صارت رياحك عصف دون اتجاهات=من شان تغرق في بحورك شراعي
صحّرت في قلبي جميع المساحـات=كانت بساتيـن وحقـول ومراعـي
ومناخه اصبح قيـض دايـم وآهـات=وصارت تضاريسه صخور وجراعي
من سبّتك صارت دروبـي متاهـات=وانته تبختر في مراسـم ضياعـي
لكن انااعرف مخرجـي فالنهايـات=بالمختصر صعب احد يلوي ذراعـي
انا شموخي من شموخ السـراوات=الكـل يعـرف هيبتـي وارتفاعـي