العازمي
العازمي يافايز ان مات في ربعه خليفه = شباب نار ومن رياجيل تعدل كل ميله!!
والكلمه اللي جات من يمك الظاهر خفيفه = هل يعقل انّك ماتشوف الخيال ولاتخيله!!
ابن سرحان الثبيتي
العازمي لو مات موته .. ماهو ناسي رديفه=يبا يجيه الموت ولا ... هو اللي بيعنيله
احذر تجي قطاع ساقه .. ترى الطرقه كليفه=وانا احسبنك صرت ياعيد في ربعك دليله
العازمي
لاتضرب الامثال باللي مواقفهم شريفه = في غيرهم منته بلاقي خطيبٍ للجليله!!
اسمع واشوف ولاتشوفون بالعين الكفيفه = ياراسم الصوره عسى مانت فالقادم عقيله!!
ابن سرحان الثبيتي
ياعيد في برنامجك كل نجم ٍ تستضيفه=اثرك ماهر فالدعايه... ولكن وش حصيله
دارت رحى الايام وافنيت من عمرك نصيفة = وانته تمنى والمناوي بعضها مستحيله
العازمي
ءذياب بن غانم بعد ماسطى رمحه وسيفه = للخيل والفرّيس حط اللزز وسط القبيله!!
في صفحة الامجاد محجوز للنادر صحيفه = والا المناوي ماتخلّص عميلٍ من عميله!!
ابن سرحان الثبيتي
اذياب ابن غانم يمينه .. مع اصحابه نضيفه= يومنهم لاجوه يبدون ... في ريع الفشيله
وان شب ناره للعدا جوه .. بوجيه ٍ صليفه = تقل انها فقلوبهم ماهي .. افراس الفتيله