زياااد الشطيطي=
يا سلام الله سلام اسلام مـا يقبـل زيـاده=من هجوس الشاعر اللي غاب له مده طويله
جيت ابزور المريض اللي ترقـد بالعيـاده=المريض اللي تردى حالته فـي كـل ليلـه!
خوي السعد =
مرحبا في مرحبا ترحيب ماجابه نقاده=عد مايبرق وينزل وبل همال المخيله
الله انه يالمطاري يفتح ابواب السعاده=للرجال اللي يحبون الجماله والفضيله!
زياااد الشطيطي=
البقى ما بين مر وبين حلو وبين سـاده=كل واحد حسب ما قدم يبا يلقى حصيله
علم اللي حطله في تالي الدنيـا قـلاده=ما نذوق الكيف دامه خالطٍ به زنجبيله
خوي السعد =
كل واحد مجتهد يفرح بمحصول اجتهاده=والزمن هذا نشوفه بين عدل وبين ميله
انت فيك الخير قله وافتهم وشهو مراده=يمكن انك تعذره بالتال وتخلـي سبيلـه
زياااد الشطيطي=
وشنبا بدراستك لا صار ما معك الشهـاده=لو تحاول ياطويل العمر ما حولك وسيلـه
صدق لامن قيل بأن المرجله تبغا جـلاده=وصاحبي ما فيه قاصر مار جعل الله وكيله
خوي السعد =
انت مثل اللي يحذف الناس من سد العراده=من بعيد وخايف انك لاقضى حذفه تجيلـه
المراجل ماتبا رجـال (ن) امثلـج زنـاده=وانت فيك وفيك لكن ماتعرف المستحيلـه
زياااد الشطيطي=
ليه تعرض لي جنوبك دام فيك الخوف عاده=مالله مكلفـك يابـن النـاس فحمـولٍ ثقيلـه
قمت تضحك من عيون الناس يا عين الجراده=العرب تعرف مكانك يـوم كـلٍ لـه قبيلـه
خوي السعد =
جيت ابا اعلمك فن الشعـر ياوجـه القـراده=اصبر اشويه واباخليـك تسـري بالفشيلـه
العرب تعـرف مكانـي فالشهامـه والريـاده=وانت معروف (ن) مكانك في حواري خنشليله
زياااد الشطيطي=
كيف ينطحنا بسيفـه دام ذب مـع الحمـاده=وشيبا يظهر صميله لو يبا ينفـض صميلـه
انت لا جاء الضيف عندك جعلك تحقق مراده=اخبرك فزاع تصبر لـو تـذوق الحنظليلـه
خوي السعد =
يالله انك لاتعاقبنا غشى وجهـه سـواده=ياحليل ازيـاد يـوم انـه تكلـم ياحليلـه
الكرم للضيف فاهل المرجله والطيب عاده=مير بعض الناس ضاع وضيّع الوالي دليله
زيااد
ليه تعرض لي جنوبك دام فيك الخوف عـاده
مالله مكلفك يابـن النـاس فحمـولٍ ثقيلـه
قمت تضحك من عيون الناس يا عين الجراده
العرب تعرف مكانـك يـوم كـلٍ لـه قبيلـه
خوي السعد
جيت ابا اعلمك فن الشعـر ياوجـه القـراده
اصبر اشويه واباخليـك تسـري بالفشيلـه
انت مثل اللي يحذف الناس من سد العراده
من بعيد وخايف انك لاقضى حذفه تجيلـه
العرب تعـرف مكانـي فالشهامـه والريـاده
وانت معروف (ن) مكانك في حواري خنشليله
زياااد الشطيطي
صح لسااانك
خوي السعد
صح لسااانك ابداااع غير
مستغر ب من خوي السعد
بيض الله وجيهكم
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|