ضف ذاللي في الديوان ..لاهنت
ياقلمنـا عـن مسيـرك لا تقيـف=وحط غمقات النقط فـوق الحـروف
واخترق صدر الخصيم بـلا نزيـف=وخل ضربك بالعضـود وبالكتـوف
وارفع المشعل على راس المنيـف=خل من له عين للمشعـل يشـوف
كان حرب ارق لبها قـاف الذريـف=وقام شاعرها من الحسره يسـوف
واسرجت كور الاديب مع العسيف=الوعد قدام والغوج معسوف
وكان جوا بالعنف انا رجل ٍ عنيـف=لا امتلأ الميدان حـاذف وامحـذوف
لا تحـدوا مانعـود فـي قصـيـف=باعنا لاجـا المبـاوع فيـه نـوف
وابشر انـه جالنـا علـم ٍ طريـف=من هل الأغراض واصحاب الشفوف
شاعة الأخبار من مركـز عفيـف =تحمل الأسمين خاطف وامخطـوف
والونيت اللي مـع الجوبـه يهيـف=فوقـه السـواق والبنـت العيـوف
ثوبها الأبيض على الجسم اللطيـف=والعباوي ساتـر ٍ نـاب الـردوف
عقب راحت.............مع الوليـف=كيف اخلي فرصة الشاعـر تطـوف
افزعوا ياحـرب بالجيش الكثيـف=وكل حربي يصطحب معه الوصـوف
دوروها عند دلال القطيف =لان ربع الهيس من ربع الهنوف
ويوم سرد الخيل من غزو ونكيف=غرسكم من فعل عتاب مخروف
قد طردنا حرب لأطـراف الصريـف=والغتايم عندنا مثل الحذوف
ولا يجون اديارنـا الا مـع حليـف=وفوقهم سيف المواثيـق امعكـوف
الدويـش يقودهـم قـود العسيـف = وكل عام تجدد الحلف وتحوف
لين عافت جانب الحصن المنيف =طالت الايام والبدر بكسوف
لين جت عرج وسالفت الرديف =يوم صار من الشداد ليا الردوف
جابو الشيخ العقيد مع النكيف =وضيفوفه بحيل مكرمت الضيوف
وبدل الفسقان مشعابا قضيف =يتعصابه بعد سيف السيوف
يقضي اللازم ولوماله لطيف=وان ذكر سيف بداء حزن الزنوف
محتميـن الـدار بالحـد الرهيـف=وممنين ٍ جانبه عـن كـل خـوف
ما وصلناها علـى قـاع ٍ نظيـف=ما وصلنا كود من فـوق الجفـوف
ارتقينـا سلـم ٍ صعـب وكلـيـف=سلمن من روس مروين السيوف
من خشوم طويق لا دار المصيـف=ما يجيهـا الحارب الا بمعـروف
والعصيمي بالشرف سلكه شريف=في جزيرة نجـد بيـن ومعـروف
في الظروف القاسيه منسف وسيف =له عزيمه ماتزعزهاالظروف
وينقل الحمل الثقيل عن الضعيف= ولايعاف الموت لوكان معيوف
ويقطع الفرجه على نشـر الحفيـف=ويا صله لو كان بالخوف امحفـوف
وينزل الدار المخيف اللـي مريـف=يدله العفراء الشناح اللي طنـوف
كم غزانا الهيلعي وصبح معيف =وأن غزيناهم على الجيش مخلوف
وكان صار الوقت حده حـد حيـف=واكثر العربـان لحقتـه الحفـوف
الضيـوف الهـم بنادينـا مضيـف=وبالصحن نرمي البعير مع الخروف
وشيخنا له ماقفا خلف المخيف =لاأدبر الطابور عجلاَ ومخفوف
هوكنيف اللي ثوى عنه الكنيف =يتحميه ويحتمي عنه الحسوف
بصارمن له منكب القائد عليف=مسقي العدوان بالسم الزعوف
لاعصف بالناس يومن له رجيف=يلتقون الناس لاحضان الكهوف
قد خذينا السيف من يمنا الشريف=وراح ابن هاشم يصفق بالكفوف
والخيام اللي بهن حط المضيف =والخدم حق الضيافه والمضوف
معركه يشبعبها النسر الكفيف =مير يمنع شرحها بعض الظروف
وتشهد اللحيـان وهذيـل وثقيـف=يـوم شتتنـا الطوابيـر الألــوف
وجدنا رافق مراهيش الخريف=صايرله مجلسن بين القنوف
صدق الله كلمة الشيخ العفيف =لايمسه مشركا نجس الكفوف
وذمنا من لاسواء معنا النصيف = الله أكبر كيف هازتن الضعوف
ياإلاله الكون عفوك يالطيف=صارت الاذناب تطمع بالانوف
أحتماهم سيف ذا الدين الحنيف =وقامت الانذال تضرب بالدفوف
يوم طابور النقاء يرزف رزيف=مالكم معنا مسير ولاوقوف
ويوم صار الحر للباشق وليف=لقطوها ياملقطت القطوف
ولوأبه رجلا على المعنا حصيف =جيت أنا وأياه من بين الصفوف
ويطلع الروزالثقيل من الخفيف =ومن ثوى حدر اللواء جعله ذلوف
مير عينت الغجر شلت جنيف = وكثرة أسمائهم تضيق أبها الكشوف
ودنقوا وأستلحقوا تال الغريف =طبحوا في الجبووالجبو مغروف
وقالوا اني كنت في الشرطة عريف =وقد مضالي في العمل بعض الصدوف
وأسجنوني وأكفلوني بتعريف=أسمعوا يالناس كلمت الجحوف
كل ماقالوه بهتان وزيف =لانهم مابين معتوه وزهوف
الرجال اللي لهم شان شريف =يعرفون أني عن الهزله عزوف
وحقنا لوهوبعين أعنف عنيف =ناخذه بالفعل من وسط القحوف
نحمد الله وجه صفحتن نظيف=يامبيعت الشفاياوالسقفوف
وكان طالع حط بالبيت تحريف=الهدف عن حيلة القطش محروف
الهدف يالقطش بأطراف الصفيف=لاتحادا كن عينك ماتشوف
يوم قراط الحصى جاله وحيف =صوب الفلوه وروح بالنصوف
مرشحتها مسها بحبال ليف=وأرهمت ثم درهمت تحت الندوف
أنت هش وتنحني مع كل ضيف =ديرتك لمدور الضفه ضفوف
وقل لابن زكوى تري حيف المحيف=في ظلال البيت يسعى ثم يطوف
وين جوده دون عجلات العطيف =الدبر فيهن بعد زحف الزحوف
بين ذبحه والثمامي زان كيف =عند خشم الذيب يجعفها الجعوف
الحميداني خرف نبت الخريف =ألحق أم عشر بنتفه للنتوف
والعضب مثل الصنم عاجز حسيف =مير ماله قدرتن يجلي الحسوف
لياأن فلت بالهذرمه ماله وصيف =مير عند الكرب تطاه الظروف
وكان عندك للمساميرتغليف =صروا أخر ديد ناقتك النطوف
والحوار اللي قبرته بالكهيف =أبعثه من قبل ينسفك النسوف
يامراغت شلق وش ذا الهريف = ولاتحداء وأنت تطاك الخفوف
حبل مغموز النسب مثلك قصيف =عند شد الحبل يلزمك الوقوف
وأنشدأمك عن وصوف العود كيف=لانها تعرف علامات الحيوف
وكان أضفتوا حرف للدعوى نضيف=القلم موجود والمدفع قصوف
[color=#008000][size=4]
[size=4][color=#008000]
لا تماري قوم منت الهم عديل = ولا تخاصم وانت يااللاش امخصوم
:
يا قلم عزوز جاين له عويل =من كلامي ضايق الصدر امهموم
مايبات وفارقه حلو المقيل = والعيون الحول صابتها الهزوم
لا تضايق من كلامي ياابو ذيل =انت ضيفت امس واليوم معزوم
عند رجل ٍ مايخاف من القبيل = وكان هاجمته يبادلك الهجوم
ويطرح النيشان لاشد الفتيل =وبندقه ماهيب فاالهيه زموم
يتحكم فالرصاصه لا تعيل =وانسحابه صعب من بعد القدوم
وانت تركض من بتيل اليا بتيل = في بحر عمياك يا عزيز تعوم
وصرت للشيطان واعوانه وكيل = قلت انا بقوم وابليس مخدوم
مادريت انك جنحت عن السبيل =واستدارت بك دواليب الغشوم
وعادة الشيطان دايم يستميل =كل من مثلك عن الحق امغموم
ويش جابك للمشاكل يالهبيل =والسماء فوقك ملبد بالغيوم
السبر قوبعك من قفوا الشليل = والعقاب المفترس فوقك يحوم
اكتشف مافي الخريطه من حصيل = لو تضفضف ماتغطيك الهدوم
لا تماري قوم منت الهم عديل = ولا تخاصم وانت يااللاش امخصوم
قد سقوك من الذحاح الحنضليل = لين حالفتوا هل الجمع الجزوم
انظر التاريخ جيلن بعد جيل = ويتضح لك كيف توزيع القسوم
ويتضح لك مافعلنا يالهزيل = يوم جينا الدار والدار امحكوم
كم حدينا الضد بالحد الصقيل = وكم نزلنا بين قوم وبين قوم
وكم نهارن من سببنا صار ليل = من عجاج الخيل واوماي السهوم
مال نزهين الشوارب من يشيل =حذفهم فالمعركه حذف الجروم
ذا صويب وذا منيع وذا قتيل =وذاك ضاقت به معابير اليموم
لين زحنا راعي الروز الثقيل =وغادر الديره على قبا(ن) قحوم
حربنا خلت محمد يستقيل =يوم شاف اجموعنا دهمن دهوم
قبلنا لويت ذ راعه مستحيل =ويوم صافحناه سلمنا الختوم
ومشيخة نجد العريض المستطيل = سلم العتبان مشيخة العموم
وكان عاهدنا وفينا للعميل = وحربنا لأهل الحرايب حرب روم
للصديق انصير مثل السلسبيل = والعدوا اثقل عليه من الرجوم
وانت خابر يوم تختار البديل = يوم تنزع من قبيلتك وتشوم
يوم تطمر من فصيل اليا فصيل =جاز لك جانب متيهت الردوم
الرجال اللي يعزون النزيل = ومن يحاربهم يطيح ولا يقوم
حربهم خلت قبيلتكم تحيل = وشتتوا جمع السوالم والفروم
كان ديرتكم بوادن له مسيل =من الجريراليا المضيح للجثوم
مير حدوكم بشلفن فوق خيل = لين بانت في قبيلتك الثلوم
انهزم جمع السوالم مستزيل = ولايزال ابكم من الماضي عثوم
ياعزيز يابحر قولن وقيل = وين تبغى يالمزيني للنجوم
خلنا بالأرض والجيد يشيل = كان قربت الحمول من الصهوم
ويتضح ركض الأصيل من العصيل = وتدري انك من رديين العزوم
انتبه ياللي تحسب انك طويل = وانت ماتلحق ملاحيق القروم
انت كنت مع العرب عيبة مشيل = مير لا تقعد تهوم الحكي هوم
عيبتن فيها الجديد مع الحويل = ومن غزا وافلس رجع لأم الخصوم
وانخدعت بنعمة الدور الفضيل =واحتموك اهل المدافع بالطقوم
وقمت تعمل فالمراسيم اتعديل = ومن عما رايك تجاوزت الرسوم
كيف تذكر منطقة بيضاء نثيل =وانت من سعدون وعقاب مهزوم
جالكم قدام ابن وايل جفيل = وصفكم في دفتر الضبط امعلوم
عقب ماغرب يبي وادي النخيل = ردته كلمة مكبرة العلوم
كلمتن جرت خيالن مستخيل = ذبكم سيله على روس الحزوم
وكل مابيدينكم من شول شيل =ودهو للنياقكم توديه بوم
وين تبغى يم سلمى يالخبيل = وانت من فعل السناعيس امخزوم
شيخهم سقتوا له المال الجزيل = جزيتن توخذ عليكم للحدوم
وقد سرب قطعانكم وامره وبيل = وقد غشاكم من هل الطولات لوم
ويوم دقلات الأ صيله والاصيل = وشهرتك من فوقها عدة وسوم
واحدن لعبيد والبيت الدليل =والضياغم سيفهم دايم لطوم
واحدن للي سبقكم بالرحيل =وصار في الهيجاء يبيع ولايسوم
يوم حطيت المطيري لك زميل =واشتركتوا في الدفاع وفي الهجوم
جمعكم حجمه كبر هضبة حقيل = مير من صد الصناديد امحروم
يدحم كنه خيالن مستخيل =والثبات بساحة الحرب امعدوم
ومن يبهر دلته بالزنجبيل = قام معكم مير ماسد اللزوم
عقب زومه غادر الحسرج ذليل = يستغيث ويطلب الرب الرحوم
وقام يلعن حلف معبول العبيل =مع ولد باقان وعنان العزوم
انت تطلبني دليلن بتعجيل =وكان عندك عين برق بالرقوم
خذ كلامن مايزاد من الصميل =وان بغيت تقوم والا لا تقوم
وكل قاف بلادليل ولا كفيل =مايقوله كود رجالن خذوم
وكل رجلن مامعه في الحل حيل = لا يحط بعلبة الريحان ثوم
يعتزل ويصير في الظل الظليل =وش يبي بمكابدة لفح السموم
ولا وصلك من الكثير الا القليل = وخطنا ياصلك بالختم امختوم