السلام عليكم ورحمة الله وبركاته
مساء الخير
في البدايه اشكر على طرحك الراقي
بالنسبه للمحاوره
انا من وجهة نظري ان شعر الشعار زي البضائع اللي تنزل في الاسواق
يعني مستحيل تحصل اللي يبيع العود مع اللي يبيع خضار
وكل بضاعه لها زبونها
يعني كل شاعر له منهج يختلف وله اسلوب يختلف
فيه شعار المفروض حفلاتهم يكون فيها اهتمام من ناحية الشعار اللي يعزمون معاهم
مثلا حبيب العازمي رشيد الزلامي مستور العصيمي مصلح بن عياد سلطان الهاجري هذولا العمالقه الان
فيه شاعرين او ثلاثه يلعبون مع العمالقه اللي ذكرتهم يكون مستواهم الشعري قوي يلعبون مع غيرهم تحصل مستواهم على مستوى الشاعر اللي معاهم
والشعار اللي زي كذا ما يرفعون مستوى المحاروه لو تغيبو العمالقه راح يفقدون المحاورات القويه اللي تحسب لهم ..!!!
الشعراء الشباب صقر سليم وعبدالعزيز العازمي وبخيت السناني
والقائمه تطول ولكن الابرز من وجهة نظري
اللي ابغى اوصله
المحاوره مثل الميزان لازم تكون الكفتين متقاربه علشان ماتميل
تجيب لي واحد زي حبيب العازمي افضل من يرسم المعنى في الوقت الحاضر
وتحط معاه واحد مايعرف ايش المعنى ؟؟؟
من وجهة نظري علشان تكون محاوره ناجحه
يبغالك تختار شعراءك
تبغى محاورة معنى لها شعرائها والكل يعرفهم
تبغى مهايطه وسب وشتم فيه ناس يجيدون الشغله هذي ماراح اقول شعار
من وجهة نظري مايصير نطلب ونقول ليش فلان مايلعب مع فلان لان هذا فيه ظلم لشاعر الكبير
شي ثاني الشاعر قبل ان يكون شاعر هو رجل
اجيب لي واحد محترم ورجل كلامه محسوب وقول اللعب مع اي واحد
ليش نقول شلليات حنا نبغى محاوره او نبغى نشوف مصارعه
لان المحاوره معروف ايش الهدف منها وايش تعتمد عليه
انا بضرب لك مثال لو بعزم حبيب العازمي الي بيكون معاه من بين الشعراء رشيد الزلامي مستور العصيمي فلاح القرقاح ملفي المورقي سوار الذهب سفر الدغيبلي صقر سليم عبد العزيز العازمي بخيت السناني سلطان الهاجري محمد السناني راشد السحيمي ابو مشعاب
شعراء اعتقد انهم يفهمونه ويفهمهم وراح يكون لقائهم قوي ومثير
ومن وجهة نظري كل شاعر تحصل له شعراء يكون لعبه معاهم قوي
وفيه شعراء كبار تحصل اللعب بينهم عادي
سوار الذهب ** رشيد الزلامي
اتمنى اشوف لهم محاوره عن قريب
فلاح القرقاح ** ومصلح بن عياد
اعتقد لهم محاورات من فتره ماهي طويله
واسف على الاطاله والله لايهينك على الموضوع
وفي الختام هذي وجهة نظر تخص كاتبها فقط
واسئل الله لي ولك ووالدي ووالديك ولجميع الاخوان اللي يمرون على الموضوع
العفو والعافيه والنجاه من النار