كيفً يباع بدس خوفً من الناس=ملعون ياشاريه واللي يبيعه
الكيف والله دلتينً ومحماس=ونجرً يصوت للنشاما لعيعه
في بيت عودً والمناعير جلاس=هذا غرض قلبي وهذا ربيعه
وياما حلا المجلاس مع بعض الاجناس=اللي طبايعهم على أحسن طبيعه
عيال ناسً مايحبون الأدناس=أهل الكرم وأهل النفوس الرفيعه
ماهوب مجلس من يحوشون الأفلاس=نقصً على أهل الدين وأهل الشريعه
اليا من واحدهم ضرب خمسة الكاس=كنه يحارب يوم حرب الوديعه
ضيع شعوره وأصبح الفكر محتاس=ونفسه على كل الجرايم تطيعه
.........................................=........................................
........................................=.....................( إلى أن قال )
جدي خلف يالابتي ذخر دواس=الطيب يذكر والمواقف شجيعه
نخاه إبن مسعد بعد طقه الياس=في ماقفً ماكل رجلً يطيعه
وإشتال إبن مسعد يجاذب بالأنفاس=والرمي خادم والمنايا سريعه
قلته وأنا من لابةً ترفع الراس=قبيلةً يوم الملاقا شنيعه
الشاعر / فلاح بن غزاي بن مزنوت الغنامي