سلطان الجـذع
ياسلام الله سلامٍ يطوي اميال المسافه = لين ياصل كل واحد في مكانه من مكاني !!
ياحمد مات الخليفة واختلفنا فالخلافه = انت تبغى الجدي وانا أدور سهيل اليماني !!
حمد بن جوباح
مرحبا ترحيبة ٍ ماهي بـ... على الروقه حسافه = علمي الأول يجيك وباقي ٍ لك علم ثاني
الخليفه يوم غنــّـا غنـّـو اعياله بقافه = وانت لا اوحيت العيال تسكّر اكبار الأذاني
سلطان الجـذع
ابتلشنا في رفيقٍ رجله أطول من لحافه = شرهته كبرت يبا سرجٍ على ظهر الحصاني !!!
يوم سكرت الاذاني !!! عن مناديب الخرافه = مااستمع غير السديس يرتل السبع المثاني!!!
حمد بن جوباح
الجذع سلطان لا يمكن يعاف اللي نعافه = من أكل بيدينه الثنتين غص من السماني
السديس البارحه كاتب عمود ٍ فالصحافه = يشجب اللي تنصرونه بالسفن وسط المواني
سلطان الجـذع
ضيعوا ضيف الشرف يوم حجزوا قصر الضيافه = مير سلم لي على العضيان لن جيت المحاني !!!
ياحمد جوباح والله ماتجوز عن اللقافه = لك ثلاث سنين تضحك (لي) وتضحك (من) خواني !!!