علي فلاح العضياني
من باب ردّ الاعتبار و تصفية بعض الحساب =تعال يا بندر و لد مصقال و الساري سرى
رفقتك تال الوقت راحت مثل ضحضاح السراب=كنت أعتبرها مثل راس المال و الساري سرى
بندر المرشدي
من باب مشروهي على حضرة عزيزين الجناب =ياعلي وش وداك قيل وقال والساري سرا
ما جيت لك فالليلة اللي كنها ريش الغراب=اقابلك ما جيت لك ختال الساري سرا
علي فلاح العضياني
آثرك ما تعرف قوانين التشرّه و العتاب=تقول لك كلام ما ينقال و الساري سرى
تطرح سوالاتٍ يا بندر مالها عندي جواب=تبغا الحقيقه منك ضاق البال و الساري سرى
بندر المرشدي
انته تحاول تبعد التهمة.. تخاف من العقاب =لكن ثابتاً بدون جدال والساري سرا
ياعتيبة الهيلا ترا ضني بهذا الرجل خاب=لكن ما ابغى افشل الرجال والساري سرا
علي فلاح العضياني
لو تحلف و يمناك تبسطها على صفح الكتاب=و الله ما أصدّقك يالدّجّال و الساري سرى
إن كان بندر في هذاه القاف ما استسلم و تاب =بين العرب عدّوني الفنجال و الساري سرى
بندر المرشدي
الطيبّ اللي يعتذَر عن الخطية مايعاب=بس المصيبة حضرة الجهال والساري سرا
لا والله الا يافتى العضيان خالفت الصواب=هذا ليا صار البغل غزال والساري سرا
علي فلاح العضياني
سيف الملامه فيك يا بندر ليا حدّ النصاب=في عينك ثقات الرجال أنذال و الساري سرى
عاند و تصبح بعد هذا القاف عبره للشباب= فالمنتدى تضربّك الامثال و الساري سرى
بندر المرشدي
أنا فزعت الكم حمية ياعساكم بالذهاب=وآثركم بنقل العلوم أبطال والساري سرا
انته تهدد بس ما شفنا منْك واحد يهاب=عليك يستر ساتر الأحوال والساري سرا
علي فلاح العضياني
أنته فزعت و تالي الفزعه حصل فيها خراب=بعد إكتمال البدر صار هلال و الساري سرى
هذا و أنا من الليله أعذّبك بانواع العذاب=و أرضك تحتك مصيبها الزلزال و الساري سرى !!!!!
بندر المرشدي
وصل الجمل لــ غايته ما روعه صوت الذباب=واكبر دليل الي كشخ فبدال والساري سرا
عز الله انه طاب فالك مار منك البال طاب=كفكف دموع الهم والو لوال والساري سرا