سلطان الجـذع
سلام تسيلمةٍ معها الكلام الزين ينقاد = مضمونها يبهج الشاعر ويضحك له حجاجه!!
ياناصر المرشدي صدفة وأخير من ألف ميعاد = أنته وانا ياوسيع المعرفة دوب نتواجه !!
ناصر المرشدي
ياللي على راحلة عرف العرب لك خرج وشداد=يامرحبا من ضميرِ تو ماعدل مزاجه
الساعه اللي تجيب الطيبين افراح واعياد=يوثق الرجل فيها العرف وتزيد ابتهاجه
سلطان الجـذع
قدامك ألنا على عد الروى مصدر وميراد = وشعارنا ( ياقراح الماء تكفي عن هماجه )
بيني وبينك مثل مابين حضن وسور بغداد = ورغم المسافة لنا في طيبين العرف حاجه
ناصر المرشدي
انا اشهد انك على وضح النقاء ماعنك نشاد=وانا شعاري(بعقل وعرف من ناجاك ناجه)
لابارك الله في رجلِ يخون الملح والزاد=تعرف خراجك وابو تركي معك يعرف خراجه
سلطان الجـذع
ان كان صايبك ريب وداخلٍ في راسك عناد= ماكّن في خاطرك هاته بعد تم المواجه
النفي مايلغى اللي واردة باثبات وأسناد = والبيت معروف مبني من حجر والا زجاجه
ناصر المرشدي
مال الجذع عندنا الا نربطه بهجار وقياد=لقام يمشي وفي ممشاه ميله وانعواجه
الله ربي وربك تبلغ المقصد وقصاد=لكن يجترك المعصير لاثوّر عجاجه
لازال الابداع مستمر
ولازالت المتابعه مستمره
الليل الليل