ياناشدً عنـي ترانـي عتيبـي=عزمي يهد النايفـات الطوالـي
ولاخوفي ألا من عزيزً رقيبـي=سبحانه الخالق عزيز الجلالـي
وياسامعي بالقول خلـك لبيبـي=حنا عتيبـه مانهـاب ونبالـي
نرعى الخطر دايم ولاهو صعيبي=نرعاه برماح وسيوف ورجالـي
تشهد لنا نجد العذيـه بطيبـي=وتشهد لنا وديانهـا والجبالـي
حنا حميناهـا بسيـفً عطيبـي=حنـا فديناهـا بحـالاً ومالـي
وهرجً بلا برهان لاشك عيبـي=وهذي حقيقه والحقيقـه تقالـي
أميرنا إبن حميد ساسه عريبـي=معـرّب الجديـن عـمً وخالـي
يالله تجيره من سموم اللهيبـي=وتنزّله يـارب منـزال عالـي
وختامها صلوا على أحمد حبيبي=إعداد ماهبت هبـوب الشمالـي