[مزيد العصيمي]

المشاركة الأصلية كتبت بواسطة مرزوق حمدان العتيبي

...
كيف حالكم كلكم ؟
ماهيب جديده ... ولكن اعتقد انها لم تنشر هنا ...

انتهت حلو الليالي والغلا ولاّ ربيعه = طاح قدرك من عيوني مستحيل اترجعينه
الحقيقه ما عملتي صار لي اكبر فجيعه= ليه كل اللي بنيته.. في دقايق تهدمينه
صادق ٍ لك في غرامي واشتري حبتس ما ابيعه =ماتوقعت ان هذا بالسهوله تجحدينه !!
وش خطاي اللي عملته لجل احصل هالقطيعه =هل جزاء من كان حبك بالخداع اتعاملينه؟
كنت احسب انك صدوقه نظرتك يم الطليعه =كنت احسب ان العلاقه بيننا تبقى متينه
كنت احسب انك وفيّه نظرتك نظره بديعه = لين بالوقت اكتشفتك وظهرت منك الغبينه
التطبع في الحقيقه مايقاوم للطبيعه = وانتي طبعك بالتلاعب يغلبك ماتغلبينه
ودك بتقطيع قلبي مير ماانتي مستطيعه = يوم غيري قدم عيني في كلامك تمدحينه
حطي نفسك في مكاني وانظري نظره وسيعه = العقل واجب عليك بهالامور اتحكمينه
جيتي لقلبي سريعه واخرجي وانتي سريعه = الله اعلم من طرالك في هواك اتغربلينه
احمد الله واشكره نفسي ترى نفس ٍ رفيعه = من نقض عهد العلاقه يبتعد ديني ودينه
دام من دونك جعلتي لي متاريس ٍمنيعه = دربك اللي تعشقينه واصلي لاتقطعينه
والله ان الغش مايرضاه عقل ولا شريعه = ودام هذا هو شعورك فالهدف ماتاصلينه
من خدع غيره ترى لازم يسوّاله خديعه = الكلام اللي ذكرته واجب انك تفهمينه
انتهى عهد الموده والغلا ولاّ ربيعه = طاح قدرك من عيوني مستحيل اترجعينه

ياسلام عليك

جزل يامرزوق .. وماتجيب غير الجزل..

ماشاءالله عليك

احترت بالابيات كل بيت احسن من الثاني

فلذالك جبتها معي كلها ههه

صح لسانك صح لسانك على هالشامخه

<= ينتظر ابداعك القادم