ابو لمار
ياسلام الله برده على حلة عتابه = حلة اهل الجود والجود من طبع الكرامي
الثبيتي كان معنا يبا يحسب حسابه = ينتبه للسالفه في البدايه والختامي
النشمي
المسلم بعد سلم هلا يامرحبابه= ضيف في حلة عتابه ورداد السلامي
هات علمك و الثبيتي تبا تسمع جوابه=والسوالف لا تعدا عن احدود النظامي
ابو لمار
واجب الترحيب منا بعد نوّخ ركابه = للصحيب اللي ورد عد يروي كل ضامي
صاحبي لو ولع النار شبت في ثيابه = لاجل ابو لمار ميسمه فوق النار حامي
النشمي
المعاني سرها سرها مسرى الذيابه= وانت جار ومن رجالاً عزيزين وحشامي
قبل عام العام ابوزيد ظابط بالنيابه=و سمه بتال الزمن ينكتب بين الاسامي
ابو لمار
من يمد الهينه يالثبيتي وش تبابه = وش فطورك بعدما صمت واتعبك الصيامي
المغني قام يعزف على قوس الربابه = بعد كان العام ريس وفي خشمه عرامي
النشمي
انت ودك تشعل النار وتقوم الحرابه=قلبك اسود من سنينن مضت والجرح دامي
اتهجد خنذف ليا قام واحد من شبابه=في ميه من خنذف يسدكم راس الزلامي
ابو لمار
مايهم الفيل لو وقعت فوقه ذبابه = في صلاتك يالمصلي تقدى بالامامي
الثبيتي كان ماقام حظه في شبابه = يخلف الله فوق ربعه رفيعين المقامي
النشمي
البعير اشعيل حطك تحت ضرسه ونابه=يالبعير الساحلي شوف فعله فالتهامي
واعذاب اللي يذم الثبيتي واعذابه=حالفاً مايهتني بالشراب وبالطعامي