قادح شرار
يا سلام الله لكم .... من شاعر ٍ مرسوم دربه = راسم ٍ خطة رهيبة ... ضد سلطان وصفوفه
العصيمي يملك قلوب البشر ... من طيب قلبه = كل خلق الله تحبه... مير أنا نفسي عيوفه
سلطان عايض العايضي
مرحبابك يالمسلم عد مانسنس ماهبة=ارسم الخطة وابن عاصم لك الله ماتطوفة
قلبك اطيب والطريق الزين لاتلقط مطبة=وان زعل قادح يروح ولا على مثلة حسوفة
قادح شرار
العصيمي نمدحه ... ويظننا جينا نسبه = مستواه يزيد للأفضل ... وخلق الله تشوفه
منبع أصله طيب ... وكل البشر لازم تحبه = يوم أجيله بالحقيقة .... يرتبك ويزيد خوفه
سلطان عايض العايضي
انتبة ياصاحبي والبحر لاتقرب مصبة=الثبيتي عارفينة مير لاتكثر حلوفة
الحقيقة ماتغير وكل رجال(ن) ولبة=ماحسبنا لك لكن الوقت ماتعرف ظروفه
قادح شرار
أنت مثل البحر الأحمر ... واسع ويا هيه غـُبه = مير ما ندري وش اللي في وسط باله.. يلوفه
خيرة الله لا تزعل مسلم ٍ ... ويخاف ربه = لأجل بقعاء دوبها بنيّـة . وفتنتها امعروفه
سلطان عايض العايضي
ياعتيبة دورولي شاعر ماطحن حبه=الثبيتي صاحبي والذيب مايمزر اكتوفه
ماعلاك اخلاف والفنجال يالشاعر تصبه=والفتاة اليوم وخذت والزمن ماكثر صروفه
قادح شرار
يا عتيبه دوروا للشاعر المجروح طبه = ليش ما يأخذ حذر درب الخطر ...يطمر جروفه
ما عليك خلاف والجمر الحمر ...تقدر تشبه = سكتك فيه غبار ... وجعلها دوم مخلوفه
سلطان عايض العايضي
الشعر نقض وفتل ياخوك والنايم ينبه=مايطب المعركه رجال ما عطر سيوفه
الفقراء ليش باصحاب الترف قامت تشبه=جاوب الشاعر وبندر لايقرقع في دفوفه