[سنجـار]

اخي العزيز عزيز قوم هذه قصيدة الفواري قبل ان يذبح فهيد بن شعلان من شيوخ الروله :

انا من العصلان واصلي عريبي=نزاّلت الجو المطرف الياهيب
تره الشقيق الياسكت من يجيبي=نجيك من ريع المغني جناديب
قالوا ابواعه والمصيد خصيبي=تعكفت جرعا المصيد من الطيب
وانا علي اللي كنها راس ذيبي=كحيلات منها محكمات المجاذيب
عابينها لمدرعن مايهيبي=ياحل ضربٍ بالسيوف الحاديب
انطح عليها كل ليثٍ مريبي=واثني عليها دون زمل الرعابيب

وتلاحظ البيت الثاني ...لماذا لم تذكره ؟؟


في الأولى اعتقه لوجه الله ام الثانيه وهي بعد ان اغار ابن شعلان على بركة الغيثي واخذ اباعره اغار الفواري على ابن شعلان وقتله وقل قصيدته ومنها هتين البيتين:

ياطيور وسمه ياطوال الجناحين=حاذوركـن افهيـد لاتاكلـنـه
لوهو عدوٍ وعند جضعٍ مناحين=ماودنا سمحات الايـدي وطنـه

فالفواري كان على عهد مطلق الجربا وسعدون ابن عريعر ...

وبركه بن عوجا رحمه الله عم الشاعر فالح بن فضل الغيثي رحمه الله

والشاعر فالح بن فضل قصد في نفس السنه اللي ذبحوا فرسان شمر

عقاب العواجي واخوه حجاب

في حدود سنة 1254 هـ وقال:

ياوريك عفي جانبك فاح بنك= حيثك مقر اللي يدنّن الاجراس
عيون البنات ملزمن يرتعنك=بوجيه ربع قطبوهن بالألباس"
ويابدّهن بساعة ٍ يذكرنك =يم الجزيره ومن الهور غطاس
وياعقاب عقبان المنيصي لونك=واستلحقن ياعقاب راسك معه راس
لاتحسب ان الخيل قافي عطنك=ارقابهن عوج لكم عقب مرواس
والخيل من شان القضى حييّللك =وركبو عليهن مروية كل عباس
ولو ياخذن مرواس تعاودلك=السربة الحرشاء عليها بني ياس
وآآشيب عينك وان حدوهن وجنك=شهب النواصي فوقهن كل مدباس
مثل النجوم الهافيه يعجلنك=على الطريح مضريات وعلاس
بشرقي زبار وريك يوم اسهجنك=راحت تدحدر جثتك مابها راس
بحذيهن ياعقاب تودسنك=وراجن على قبره كريهات الاضراس
حرارنا ياعقاب تشالقنك = من ضرب الاصخا يوم الارياق يباس
"هايس" على صم الرمك عابيلك= بعيال شمر مروية كل مدباس
واحذرك عن كنعان بشلفا يشلك= شلة عقاب لأبرق الريش فراس
واحذر من اللي بالقدح غاذيلك=قب قحوم قمزته سبعة اقياس
ومفيز فوق قشمرة ٍ حاضيلك= يبي القضى بهذلول بغليات الانفاس
وزتك بوجه الشيخ وهو والمّلك = بمصقل ٍ عن جثتك يجدع الراس
نخاه هايس قال ابي عادتلك = وزتّه بوجه الشيخ والخيل قباس

و فهيد الفواري هو اللي ذكره ماجد الحثربي بقصيدته :

ياعمـر يامـدلاه يانـازل الـخـوف=يا اخو فهيد اللي به الطيب موصوف

وعمر هنا هو اخو فهيد الفواري
والقصه مشهوره لماجد الحثربي وروحته يم الاحساء لسعدون العريعر

في حدود عام 1189 هـ

فكيف يكون عقاب حاضر هذا العهد ....؟؟؟


كذلك كان فهيد الفواري ابرز الفرسان الشجعان المشاركين بجانب مطلق الجربا في معركة كير عام 1195 هـ

ودليل ذلك قصيدة مويضي

لولا عيال هضيب هاك النهارا=الهوش كمل وكمل الهوش راعيه

وعيال هضيب هم عمر وفهيد ودندح ابناء هضيب بن منوخ بن دندح الفواري الخلف العمودي الشمري


فهل عقاب حاضراً في هذا العهد؟؟؟وكم يكون عمره ؟؟ومقارنته بعمر فهيد الفواري؟؟

ومعروف ان عقاب كان صغيراً بالسن في معركة ظفره كانت سنة 1238 هـ؟؟؟؟

كم الفرق بين فهيد الفواري وعقاب العواجي ؟

فهيد كان على عهد مطلق الجربا وكما تعلم بأن الشيخ مطلق قتل بعام 1212هـ بالأبيض وكان يبلغ من العمر 80سنه تقريبا" فالذي أدرك عقاب العواجي هو فالح أبن فضل وقد كان كبير بالسن وممن أدرك عقاب العواجي هو الشيخ سلطان الفهد أبوسميط وهو حفيد الشيخ مطلق الجربا فكيف يدرك عقاب ياعزيز قووووم؟؟؟