[عزيزقوم]

المشاركة الأصلية كتبت بواسطة سنجـار

سبطر (ذوره)وأنتصره شمر فيها وتم أخذ سيف وفرس عقاب ..............الجروع وهو أحد فرسان الجعافره
من عنزه عندما ............. رحيل الجذل الشريهي بضربه بالبندق مع محاشمه
وقال مبيريك:

بشر عقاب بان وجه المظاهير=نبي نقاربهـم ولابـه مـراواه
سرنا تحت حكمات وال المقادير=والعمر مايبقيه كثـر المـداراه
ياما شرينا بالسنين المعاسيـر=من بندق غالي ثمنها ومشـراه
طبعا" لهلنا كان جمع العدوا ذير=ونثني الياحل القضا والمثـاراه

وقال مبيريك ويرد على سعدون بعد قمعه:

عقـاب ماسبـه ولاسـب حليـاه=الياجت على ركب المهار الاصايل
مار نجس من الهامه الياحد ماطاه=نجاستـه ماهـي بكـل القبايـل
شره على اللي نازل مـن تـوالاه=له منكب في رفـه الجـار مايـل

الى أن قال :

وابا الوقي يالبيض خضب(ن) يمناه=أنشهد أنـه مـن رفـاع الحمايـل
السيف من يمنـا عقـاب خذينـاه=والخيل بـدل كدشهـن بالأصايـل
من فعلنا بعت أطيب الخيل بـرداه=واحلوا بيع المنسمح يابـن وايـل
والجروع اللي يوم ذوره .........=........... من ربعي مشيـل الثقايـل

والجروع هو احد فرسان قبيلة عنزه وابا الوقي هو من فرسان السويد من شمر

----------------------------------------------------------------------------------------------------------------------------------------------------------------

الاخ سنجار

اولاً: انا احترم شمر فهي قبيله عزيزة ولنا فيها علاقات طيبه وهم خوال وانساب وتعاقبنا معهم اللحم والدم

ثانياً : .................... لنك قلت كلام غيرصحيح ولايقوله رجل محترم. يحترم نفسه ويحترم الاخرين

.................................................. 0

ثالثاً: شمر وعنزة قبيلتين عزيزتين وهي في غنى عن خرابيطك وتحريفاتك وهذا دليل على ضعف عقلك

وانت في هذه الحاله تسي لشمر ولن تزيدها مثقال ذرة 0

وقصيدة مبيريك التبيناوي معروفه للجميع وتعرفها عنزة قبل شمر وهم رجال محترمين في افعالهم

قبل قصايدهم ولايظلمون ولايكذبون انما يقولون الصدق 0

وهاذي قصيدة مبيريك التبيناوي

ابالوقي يالبيض خضبن يمناه = غزالله انه من عيال الحمايل
السيف من يمنا اعقابا خذيناه = والخيل بدل كدشها بالاصايل
هذي سلوما بيننا يالقرباه = يازين بيع المنسمح يابن وايل
عقاب ماسبه ولاسب حلياه = ان جوا على قب المهارالاصايل
يلكد على الصابور مابه مراواه = شياً تعرفه كل سموا القبايل
لاشك له عندي فهوداً مغذاه = اعيال شمر فوق قب السلايل
داري غدت مثل الطموح المزهاه = تنسف على الامتان شقر الجدايل
شامت المضهور الياما ذبحناه = حطت عليه مرودمات النثايل
ياوي شيخاً تدفق السمن يمناه = متنفلاً ماهو مع اولاد وايل
والقروع اللي يم ذوره جدعناه = خيال شقحاً كمشت بالشمايل

ورد عليه عقاب ابن سعدون العواجي بقصيدة وهي

عشبه طويله يالتبيني رعيناه = غصباً على سكان سلمى وحايل
وبيضا نثايل بالمعارك كسبناه = بالسيف ماهي للجدود الاوايل
يحرم عليكم يالدغيرات مفلاه = وان جيتها يالشمري فأنت عايل
ومفتاح الغيثي وراكم حدرناه = روحوا وراكم يارفاع الحمايل
ومظهور ابن شامان ربي رمى قضاه = والقروعي منكم وقع له بدايل
واجريساً التمياط حنا قتلناه = راجاً عليه مشمرات السلايل
عليه قدة جيبها من ترجاه = مني وقع بالقاع وانا بن وايل
وهذلول وعمير الحدب كيف تنساه = حامن عليه من الحوايم جلايل
هذي عوايدنا نهار الملاقاه = من دمكم نروي حدود الصقايل

والقصه هذه طبعاً لها اسباب حسب رواية الرواه

وهي عندما دارة المعركه بين شمر وعنزة كان ابالوقي ينشد عن عقاب

وعقاب ماخذ باله منه مشغول مع فرسان شمر لان المعركة دايره واشتبك ابا الوقي

مع عقاب على ظهور الخيل وطاحوا بالارض سوى وعند ماقاموا كلاً اخذ السيف الذي عنده

وركب الفرس اللي من تواليه (القريبه له ) طبعاً ابا الوقي ركب جواد عقاب واخذ سيفه

وطرده عقاب ولم يظفر به لن جواد عقاب اصيل ولم تلحقها جواد ابالوقي وهذا على ذمة الرواه

والدليل البيت من قصيدة مبيريك يوم يقول

السيف من يمنا عقاباً خذيناه = والخيل نبدل كدشها بالاصايل

هذا وانا امل ان ترفع نفسك عن بعض السوالف الهزيله التي لاتسي الالنفسك وحدك ولاتنسى

ان كلاً مسؤل عن ماكتبة يداه يوم القيامه وقبرك لن يدخله احد معك 0

ولاتنبش قبور الاموات افضوا الى ربهم رحمة الله عليهم

تم تحرير بعض الكلمات من قبل الإدارة

آخر تعديل عزيزقوم يوم 11-Oct-2008 في 12:17 PM.