[ابو محمد الدعجاني]

السلام عليكم ورحمة الله وبركاته


هذي احدى فصايد الشيخ تركي بن احميد شيخ قبيلة عتيبه على الشيخ محسن الفرم


يقول الراوي ان الشيخ محسن الفرم كان عنده حصان اصيل وكانت حرب كل سنه توفد عند الفرم

عشان حصانه يشب الخيول وسنه من السنين جوه وقال السنه هذي ابظمر الحصان وابغزي عليه

العتيبي اللي انتزع نجد من اهلها اما ناخذ نجد ولا يطردنا مع جيز اللي طردهم ولما سمع ابن حميد

بالسالفه رد هذي القصيده اللي يقول فيها

يالله ياعالم بغيب الزماني
يامعتلي ياعالم كل الاسرار
انك على الفعل الجميل تهداني
حيثك انت الواحد النافع الظار
ومن عقب ذا قولوا لراع الحصاني
اللي يتمنا حربنا سر وجهار
يالفرم حنا من بلاوي الزماني
عاداتنا نسقي العدا كاس الامرار
حنا عتيبه مطلقين اليماني
عاداتنا ناخذ على الخيل مشوار
ونا على صفرا وسيعة لباني
مع لبتن تشدي لبيبان نجار
تكسر بذيلن مثل عسو الياني
ويمنن تطرف مثل لاحس الحار
وليا شكمت لحيها بالعناي
كنها تشاورني تبا مني اسرار
وارجي عسا الله في صحاحن بياني
بنحورنا يالفرم ترميك الاقدار
اما رميت الشيخ ولا رماني
واقفايت المسلم عن الرافظي عار



الله يرحم الشيخ تركي والشيخ محسن


[color=000000]المصدر الشاعر الكبير والراوي كديميس العصيمي [/color]