[الفراتي]

الله يرحمك يااخو نوضا ...

هذا اللي قال فيه الشاعر / محسن الهزاني

يا راكب ٍمن فـوق مثـل السبرتـات=حمـرا فتـاة ٍعـن لقـاح ٍمعفـاّت
تنصى الكواعب من بنات العمـارات=يبكن" أخو نوضا "على راس ما طال
يبكـن بـدم ليـس بالدمـع ٍّ يخلـط=علـى عقـاب العندليّـات مسـلـط
حلفت ما مثله علـى الجمـع يقلـط=ولا انقلـن الخيـل مثلـه بـرجّـال
يا البيض كبّـن الحلـي والعشـارق=وابكنّ أخو نوضا مـروّى المطـارق
خيّالهـا وان جللّـوهـا المـعـارق=لحق ٍ الوسيق ورد ّالاوّل على التـال
وان زرفل المسيوق وارخوا الأعنّـه=والجيش هربـد والرمـك يشعفنّـه
أهوى على ركن ٍمـن الخيـل كنّـه=( جلمود صخر ٍحطّه السيل من عال )
وان زرفل المظهور واقفى مع الريع=ولحقن باهلهن عالجـات المصاريـع
ومن الغِيَر مالـت وجيـه المداريـع=فـلا بوجهـه يعـلـم الله بمـيّـال
لا واعشيرى مسلـط ٍحامـى القـود=راقي ذرا العليا حجـا كـل مظهـود
لين انتدب من فوق ما يقحـم العـود=عيّا على تالى الظعـن زيـن الادلال
لا واعشيـرى ليتنـى مـا بكيـتـه=لو ان معـى حـلٍّ وعقـد ٍشريتـه
وبكـل ّماتملـك يميـنـى فديـتـه=بالخيل والغـرس المظاليـل والمـال
مرحوم يا ما قد حمـى مـن مرنّـه=واعلـق اسنـان العـود بقطيهنّـه
ياليـت غضّـات الصبـا مـا بكنّـه=ولا عليه اتراب جرف الجبـل هـال
حلّلت يا ريف الهجافـا ويـا ريـف=الخيـل فـي ميدانهـا كالخواطيـف
يوم البوادى تشعف البوش تشعيـف=عيّا عليها مسلـط ٍماضـي الافعـال
مرحوم يامـروي حـدود الهـواري=يامـن بوجهـه للمـروه مــواري
يمينه اكرم مـن هبـوب الـذواري=أثقل من ايش ٍعند روعات الاذهـال
حلّلت يـا مـا ضيـف ليـل ٍقريتـهو=كم عود زان ٍفـي الملاقـا سقيتـه
وكم أبلـج ٍخلـف السبايـا رميتـه=عليـه شقـنّ العماهيـج الاطـوال
اليوم لى موفى ثلاثـة عشـر يـوم=لا لذ لـى زادٍ ولا طـاب لـى نـوم
ساعت لفاني عن حجا كـل مضيـوم=زبن المجنّى مسلـط ذرب الافعـال
يفداه من لبس السراويـل والبيـض=كبدي لكنّ انها وهج لاهـب القيـض
على الذى ملاّ قلوب العـدا غيـض=ليت المنايـا تندفـع عنـه بالمـال
من عقب مسلط ياهل الخيل تكفـون=لا من عنوز ولا بعد من ذوى عـون
كم سربة ٍمهيوبة ٍفي ضحـى الكـون=بـدّد شعبهـا والغبـا عنـه ينجـال
وان قرطبوهـا بالعيـاد الكراديـس=وتزعزّت حمـر النضـا بالملابيـس
وآزا بلطم الطاس ضـرب العبابيـس=أنهل وعلّ السيف مـن دم ّالابطـال

مشكور يالعتيبي على ايراد نبذة عن الفارس (اخو نوضا) .