[الـطـلـحـي]

قـصـيـدةالشاعـر مساعـد الاسـعـدي التي لـقـاهـا بالـحـفـل ولم نتمكن من نشرها في حينه لـعـدم وجودها لـذلـك تمت إضافتـها

	يامرحـبا عـداد هـمـال الامـزان وعـداد ما وسط السماء من نـجومي واعـداد مافالارض من كائـن كان وعـداد ماراحـت وجات الغيومــي ترحيـبـتا بخلاص من قلب ولسان عـلى النقاء باهـل الوفاء والسلومي ياشـيخـنا لـي للمهمات مزبـان عبد الله ابن عـمر قـوي العـزومي الـي منول يـوم زوعات الاذهـان سيفـه حـديـد ولابـحـده ثـلومي ويامرحـبا ترحيـبتا شانها شـان ترحيـبتا للي لـفـونا عـمـومـي من يوم جيـتو داخـل الدار ضيفان من كثرمانـي منبسط طـار نومـي وانا عليكم ياهـل الجـود شفـقان واشفـق عـلى لاما الرجال القرومي حياكم الله بسـم شايب وشـبـان عند الرجال الـلي تـسـد اللـزومي ربعي ذراء راسي ذريبين الايمـان يـوم الحرايب مجودين السهـومـي أساعـده من روق والاصل عـتبان دخيلـنا مـهـما وراه محشـومـي وقصيرنا في حيـدنا بين الاخـوان حـنا ذراء له عن لهيب السمـومي ويوم الديار بجيش وبسيف وحصان نصيب ربـعي من خيار القـسومـي والحمـد الله يـوم جاهـا كحيلان عبدالعزيز اللي يـويـق الرجـومـي حكم بحـكـم الـشرع سنه وقران ولـم القبائل مـاحسب للـعـلـومي في المملكة دار الرخـا دار الايمان بالسيف ماجـتله بحب الخـشـومي فارس ملك عقب له املوك فرسـان إخـوان نـوره متعبين الخصـومـي مشو عـلى نهجـه كلاما برهـان وعـدوهـم مـهـما يكون مهـزومي والمملكة تشهـد تطـور وعـمران تـشهـد تطـور بين ليـلا ويـومي في ضل عبدالله وفي ضـل سلطـان مزبـان مـن كـثـرة عليه الهمومي واليوم ننعـم فالبلـد بامن وأمـان يالله عـسى حكم الشريعه يـدومـي .

.