[بندر المرشدي]

ياصاحبي بالله تسمّع لي شويّ=بعلمك حكمة وابا اترك لك الرأي
زعلان من لاشيء يرضيه لاشيء=يزعل ويرضى لو على بيالة الشاي
هذاك لو ماباقي من البشر حيّ=ال خوته بياع ماني بشراي
أخاوي الطيب وفي خوته ليّ=ارمي له الكايد تحت سبت ماطاي
ما ياصله زله ولو زل مرفيّ=ادعس على زلاته ان زل بحذاي
ما اللحقته الشكة ولا يلحقه فيّ=لو فالعلوم تجمّع اعداه واعداي
ما اسمع به النمة ولا يستمع لأيّ=واحد دخل مابين الأصحاب وشاي
يصغيلي ومنه اسمع العلم وأصغيّ=ماني باللقي صاحب الهرج علباي
آخذ مع أهل الطيب بالطيب وأعطيّ=معهم وعنهم دوم ماتقصر خطاي
وأهل المصالح دايماً قرصهم نيّ=عكس الطريق اللي مشوا فيه ممشاي
هذاه دربي كان ما اعجبك ياخيّ=جنب عنه واقول ياصاحبي باي

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه